स्रोत नखुलेको चार करोड रुपैयाँसहित ४ जना चिनियाँ र एक नेपाली नागरिक पक्राउ !

काठमाडौं । स्रोत नखुलेको झन्डै चार करोड रुपैयाँसहित काठमाडौंको नागढुङ्गाबाट चार जना चिनियाँ र एक जना नेपाली नागरिक पक्राउ परेका छन् । नुवाकोटबाट काठमाडौं आउँदै गरेको बीएबी ५७१० नम्बरको गाडीमा लुकाएर ल्याउँदै गरेको तीन करोड ८९ लाख १३ हजार रुपैयाँसहित पाँच जनालाई पक्राउ गरिएको महानगरीय प्रहरी परिसरले जानकारि दिएको हो ।

काठमाडौं जिल्ला प्रहरी परिसरका प्रवक्ता एसपी दिनेश मैनालीले पक्राउ परेकाहरूलाई बरामद रकमसहित सम्पत्ति शुद्धिकरण अनुसन्धान विभागलाई बुझाइएको जानकारि दिनुभयो । अब बाँकी अनुसन्धान र कारबाहीको प्रक्रिया विभागबाटै अघि बढ्ने बताइएको छ । गाडी चालक नुवाकोट विदुर नगरपालिका ८ घर भएका वर्ष ४४ का फूलबहादुर गुरुङ बाहेक हरु चार जना चिनियाँ नागरिक भएको र उनीहरुले कुन प्रयोजनका लागि यति ठूलो रकम बोकेर हिडेका थिए भन्ने अनुसन्धान सुरु भएको छ ।

यसअघिपनि बारम्बार ठूलो परिणाममा नेपाली रुपैयाँ र विदेशी मुद्रासहित चिनियाँ नागरिकहरु पक्राउ पर्दैआएका छन् । चिनियाँहरुका पछिल्ला गतिबिधि नेपाली अर्थतन्त्रका लागि चुनौँती बन्नसक्ने विश्लेषण समेत हुन थालेको छ ।