पोर्चुगलमा २ महिनादेखी वेपत्ता भएका नेपाली युवा मृत अवस्थामा भेटिए !

काठमाडौं, ब्रिजबेन । गत अप्रिल १५ देखि पोर्चुगलमा हराइरहेका नेपाली युवकको शव पोर्चुगलस्थित समुद्रमा फेला परेको छ । नुवाकोट बेलकोटगढी–१२ स्थायी घर भई विगत ७ वर्षदेखी पोर्चुगल बस्दै आएका सुजन सिलवालको शव बिहीबार तटिय क्षेत्रमा भेटिएको एनआरएनए पोर्चुगलले जानकारि दिएको हो ।

सिलवालले आत्महत्या गरे वा हत्या गरियो अहिलेसम्म केही खुल्न सकेको छैन । शवलाई पोस्टमार्टमका लागि अस्पतालमा राखिएको छ । रोजगारीको सिलसिलामा ७ वर्ष अघि पोर्चुगल पुगेका सिलवाल सामान्य अवस्थामा रहेको उनका साथीहरुले बताएका छन् । के कति कारणले मृत्यु भएको हो भन्ने बारे स्थानीय प्रहरीले अनुसन्धान गरिरहेको छ ।