अष्ट्रेलियाको मौसम : ब्रिजबेनमा वर्षकै चिसो, क्वीन्सल्याण्डमा शून्यभन्दा तल !

अष्ट्रेलिया, काठमाडौं । लगातारको वर्षासँगै अष्ट्रेलियाका विभिन्न सहरहरुमा चिसोको रेकर्ड कायम भएका छन् । ब्रिजबेन सहरले आज मात्रै वर्षको सबैभन्दा चिसो बिहानको रेकर्ड बनाउँदा क्वीन्सल्याण्डका धेरै सहरहरूको तापक्रम चिसोभन्दा तल झरेको छ ।

चिसो मौसम अर्को सातासम्म जारी रहने भएपनि हिउँ पर्ने सम्भावना नरहेको बताइएको छ । मौसम विज्ञान ब्यूरो (बीओएम) का अनुसार ब्रिजबेनमा आज बिहानको तापक्रम ७.३ डिग्री सेल्सियस मापन गरिएको छ । पूर्वानुमानकर्ता किम्बा वोङले पश्चिमी उपनगरहरूमा भने एक डिग्री जस्तै चिसो अनुभव गरिएको बताउनुभयो ।

आज बिहान बाहिर निस्केका मानिसहरूका लागि गाह्रो महसुस भएको र यो राज्यभर नै अनुभव भएको पाइएको छ । आज बिहान ग्रेनाइट बेल्ट शीतले ढाकिएको थियो । एपलथोर्पे क्षेत्रमा माइनस ३ डिग्रीसम्म चिसो मापन हुँदा मध्य र दक्षिणी क्वीन्सल्याण्ड क्षेत्रमा न्यूनतम तापक्रममा उच्च गिरावट पाइएको छ ।

किंगरोय, वेलक्याम्प, वारविक र ओकी क्षेत्रमा आइतबारको तापक्रम माइनसमा झरेको छ । अन्जाक डे देखि सेप्टेम्बर सम्म बढ्ने चिसोलाई स्वभाविक रुपमा लिने गरिएपनि जनजीवन प्रभावित भएको छ । Photo Credit (SE Qld Weather Photography)