किन निरन्तर घट्दैछ अष्ट्रेलियन डलरको भाउ, यस्तो छ अन्य मुद्राको अवस्था !

काठमाडौं। नेपाल राष्ट्र बैंकले बिहीबारका लागि विदेशी मुद्राको विनिमय दर तोकेको छ। राष्ट्र बैंकका अनुुसार आज अष्ट्रेलियन डलर एकको खरिद दर ८८ रुपैयाँ २५ पैसा रहेको छ भने बिक्री दर ८८ रुपैयाँ ६७ पैसा रहनेछ ।

बुधबारको तुलनामा आज अष्ट्रेलियन डलर ७२ पैसाले घटेको छ। पछिल्लो केही दिन यता अष्ट्रेलियन डलरको भाउ निरन्तर ओरालो लागेको छ। अन्य मुद्राको तुलनामा केहीदिन यता अष्ट्रेलियन डलर कमजोर बनेको छ । यस्तै, डलरको खरिद दर १२६ रुपैयाँ ८२ पैसा र बिक्री दर १२७ रुपैयाँ ४२ पैसा रहेको छ। युरो एकको खरिद दर १२८ रुपैयाँ ९६ पैसा र बिक्री दर १२९ रुपैयाँ ५७ पैसामा आज कारोबार हुनेछ ।

बेलायती पाउण्ड एकको खरिद दर १५३ रुपैयाँ ९४९ पैसा र बिक्री दर १५४ रुपैयाँ २२ पैसा, कतारी रियालको मूल्य एकको खरिद दर ३४ रुपैयाँ ६८ पैसा र बिक्री दर ३४ रुपैयाँ ८५ पैसा तोकिएको राष्ट्र बैंकले जानकारि दिएको छ ।