अमेरिकाको क्यालिफोर्नियामा अन्धाधुन्ध गोली प्रहारबाट १० को मृत्यु

काठमाडौं । अमेरिकाको क्यालिफोर्नियामा अन्धाधुन्ध गोली प्रहारबाट १० जनाको ज्यान गएको छ । यो घटनामा कम्तीमा अरु १० जना घाइते भएको स्थानीय प्रहरीले जनाएको छ ।

स्थानीय समय अनुसार शनिवार राति १० बजेर २० मिनेटमा लुनार नयाँ वर्षका अवसरमा रमाइलो गर्न हजारौं मानिस भेला भएको समयमा गोली प्रहार भएको क्यालिफोर्नियाको प्रहरीले जानकारि दिएको छ । लुनार नयाँ वर्षको एक हप्ता लामो उत्सव मनाउन हजारौँ व्यक्तिको उपस्थिति रहेको समयमा, राति उत्सव सकिनुभन्दा केही मिनेट अघि मात्र गोली चलेको प्रहरीले जनाएपनि कारण खुलेको छैन ।

एक जना पुरुषले मेसिनगनबाट गोली चलाएको प्रारम्भिक आँकलन गरेको प्रहरीले अनुसन्धान भैरहेको जनाएको छ । गोली चलाउने व्यक्ति तथा गोली चलाउनुको कारण नयाँ वर्षको उत्सवसँग सम्बन्धित नरहेको निष्कर्षमा पुगेको प्रहरीले बाँकी अनुसन्धान गरिरहेको छ ।