डा. गोविन्द केसीले आजदेखि आमरण अनसन थाल्ने, यस्तो छ कारण

काठमाडौं । चिकित्सा शिक्षा सुधारका अभियन्ता प्रा.डा. गोविन्द केसीले फेरि सत्याग्रह सुरु गर्नुहुने भएको छ । सरकारले विगतमा पटक–पटक गरेको सहमतिलाई कार्यान्वयन नगरेको भन्दै शुक्रबार बेलुकी ५ बजेबाट डा. केसीले तीन दिने सत्याग्रह सुरु गर्न पत्रकार सम्मेलन गर्दै आज शुक्रबार बेलुकी ५ बजेदेखि हो ।

डा. केसीले विगतमा भएका सम्झौता, सरकारी अस्पतालहरुमा मागअनुसार दरबन्दी थप गर्दै क्षमता बढाउने र सबै निःशुल्क औषधिहरु पाइने सुनिश्चित गर्ने माग राख्दै सत्याग्रह सुरु गर्न लागिएको जानकारी पत्रकार सम्मेलनमार्फत गराउनुभयो । सशस्त्र द्वन्द्वकालमा भएका जघन्य तथा मानवताविरोधी अपराधका दोषीहरुलाई दण्डित गर्दै मृतक, घाइते र बेपत्ताका परिवारलाई न्याय हुने गरी संक्रमणकालीन न्यायप्रक्रिया शीघ्र टुंगोमा पुर्याउने, गेटामा शीघ्र स्वास्थ्य विज्ञान प्रतिष्ठान संचालनमा ल्याउने; चिकित्सा शिक्षा ऐनमा उल्लेख भए अनुसार सबै प्रदेशमा कम्तीमा एउटा सरकारी मेडिकल कलेज पुर्‍याउने; जनसंख्या र भौगोलिक अवस्थितिअनुसार यस अगाडि सम्झौता भए बमोजिम इलाम, उदयपुर, डडेलधुरारामा सरकारी मेडिकल कलेजहरु खोल्न केसीले माग गर्नुभएको छ ।

यता, १०० शय्या भन्दा वढी क्षमता भएका सरकारी अस्पतालहरूमा नर्सिङ लगायत अन्य स्वास्थ्य सम्वन्धी विषयका कार्यक्रम सुरु विश्वविद्यालय र प्रतिष्ठानहरुमा पदाधिकारी नियुक्तिको मापदण्डसहित कानुनी व्यवस्था गर्न ऐन जारी नहुँदासम्म दलीय भागवण्डा निषेध गर्दै यस अगाडि सम्झौता भए बमोजिमका मापदण्डअनुसार तुरुन्त विश्वविद्यालयहरुमा नियुक्ति गर्ने र एकीकृत प्रतिष्ठान ऐन शीघ्र जारी गर्ने माग राख्नुभएको छ । केसीले आफ्ना माग पूरा नहुदासम्म अनसन जारी राख्ने चेतावनी दिनुभएको छ ।