नेपालमा कोरोना तेश्रो चरणमा, ५२ जना संक्रमितमध्ये १६ निको भए

काठमाडौं । आइतबार एकै दिन तीन संक्रमित थपिएसँगै नेपालमा कोरोना संक्रमितको संख्या ५२ पुगेको छ । झापाको बाह्रदशीमा आइतबार बेलुका एक जना र आइबार बिहान पर्साको विरगन्जका दुई जना पुरुषमा कोरोना भाइरस संक्रमण देखिएसँगै संक्रमितको संख्या ५२ पुगेको हो ।

यद्यपी आइतबार नै वीरगञ्जस्थित नारायणी अस्पतालमा उपचार गराइरहेका चार जना संक्रमित निको भएर घर फर्किएसँगै कोरोनाबाट पूर्णरुपमा निको हुनेको संख्या १६ पुगेको छ । उदयपुरको भुल्केमा समुदाय स्तरमा संक्रमण देखिनुका साथै बिरगञ्जमा समेत महानगरपालिकाको सरसफाई शाखाका ईन्चार्जमा कोरोना भाइरसको संक्रमण पहिचान भएकाले जोखिम थप बढ्न सक्ने आँकलन गरिएको छ ।