आज साँझदेखि ब्रिजवनमा लक डाउन खुल्ने, मास्क अनिवार्य

ब्रिजवेन
पछिल्लो २४ घण्टामा कुइन्सल्याण्ड राज्यमा एक जनालाई पनि कोरोना संक्रमण देखिएको छैन । लगातार कोरोना शुन्य देखिएपछि यसअघि घोषणा भएको लकडाउन पुर्व निर्धारित समयमै खुल्ला हुने भएको छ ।
सोमबार कुइन्सल्याण्डकी प्रिमियर एनेस्थेसिया प्यालासेले सुखद समाचार भन्दै लक डाउन खुल्ला भएको घोषणा गर्नुभयो । तीन दिने लक डाउनको पहिलो, दोस्रो र तेस्रो दिन कुनै पनि नया संक्रमित नभेटिएको हो । लकडाउनको तेस्रो दिन झण्डै २० हजार जनामा परिक्षण गरिएको थियो ।
लक डाउन खुल्ला भएपनि आगामी १० दिनसम्म सार्वजनिक स्थानमा मास्क अनिवार्य गरिएको छ । तर, निजी कारमा भने मास्क लगाउन पर्दैन ।सिपङ सेन्टर, सुपरमार्केट, सिनेमा, रंगशाला तथा सार्वजनिक साधानमा मास्क अनिवार्य गरिएको छ । लक डाउन खुल्ला भएपनि थप १४ दिन संवेदशिल भएकाले सुक्ष्म निगरानी राखिने अधिकारीहरुले जनाएका छन् । होटलमा काम गर्ने एक मजदुरमा बेलायती प्रजातिको कोरोना भाइरस संक्रमण देखिएपछि कुइन्सल्याण्ड सरकारले ब्रिजवेनभर ३ दिने लक डाउनको घोषणा गरेको हो । दक्षिण ब्रिजवेनमा बस्ने ती कामदारलाई गत जनवरी २ तारिख देखि नै कोरोना संक्रमण भएको अनुमान गरिएको छ । तर, ५ दिनपछि मात्रै लक्षण देखिएपछि हिजो कोरोना परिक्षण गर्दा संक्रमण देखिएको हो । लक्षण देखिनुअघि ५ दिनसम्म ती कामदार दक्षिण ब्रिजेवनमा विभिन्न स्थानमा गएर किनमेल गरेका, रेल चढेको तथा हिडडुल गरेको भेटिएको छ । तीनै कामदारमार्फतमा समुदायमा कोरोना भाइरस फैलिएको हनुसक्ने अनुमानका आधारमा स्थानिय सरकारले ती भेगका स्थानियमा कोरोना परिक्षण तिब्र बनाएको छ । थप जोखिम कम गर्न जनवरी ८ तारिख शुक्रबार साझ ६ बजेदेखि ११ तारिख सोमबार बेलुकी ६ बजेसम्म ब्रिजवेनभर लक डाउनको घोषणा गरेको हो । गे्रटर ब्रिजवेनको ब्रिजवेन, लोगान, इप्सविच, मोरेटन र रेडल्याण्ड क्षेत्रमा लकडाउन । यस क्षेत्रका बासिन्दालाई लक डाउन अवधीभर घरमै बस्न निर्देशन दिइएको थियो ।