अष्ट्रेलियामा ‘क्याज्वल’ ( आकस्मिक/भईपरी) कामदारले पाउने भए थप अधिकार । एक वर्षपछि फुलटाईम हुन पाईने
सरल/ सिड्नी, अष्ट्रेलियामा क्याज्वल अर्थात आकस्मिक रुपमा काम गर्ने कामदारले एक वर्षपछि अनिवार्य फुलटाईम वा पार्टटाईम हुन पाउने गरि कानुन बन्दैछ ।
संभवत: मंगलबार राजधानी क्यानवरास्थित संसदबाट पारित हुने कानुनले क्याज्वल कामदारकाे थप अधिकार सुनिश्चित गर्नेछ ।
याे कानुनले अष्ट्रेलियामा रहेका नेपाली विद्यार्थी लगायत २० लाख क्याज्वल कामदारलाई फाईदा पुग्ने स्थानिय संचारमाध्यमहरुले जनाएका छन् ।
अब बन्ने कानुन अनुसार क्याज्वल कामदारले एक वर्षपछि आफ्नाे राेजगारदातासंग पार्टटाईम वा फुलटाईम काम माग्न सक्छन् । चित्तबुझ्दाे व्यवसायिक आधारबिना राेजगारदाताले कामदारकाे साे अनुराेधलाई नकार्न नसक्ने गरि कानुन बन्न लागेकाे हाे । यदि राेजगारदाताले एक वर्षपछि पनि क्याज्वललाई पार्टटाईम वा फुलटाईम बनाउन नमाने, फेयर वर्क कमिसन र अदालतले राेजगारदाताकाे निर्णयकाे छानविन गर्न सक्दछ ।
याे कानुनले अष्ट्रेलियामा रहेका नेपाली विद्यार्थीलाई पनि फाईदा पुग्नेछ । नेपाली विद्यार्थीहरु यहाँकाे कामदार सम्बन्धी कानुनबारे बेखबर हुदा समस्यामा पर्ने गरेका छन् ।
लाइभ न्युज
तपाईको प्रतिक्रिया