सिड्नीमा अर्की नेपाली विद्यार्थीको ४ हजार डलर ठगी । खानबस्नै समस्या

सरल गुरुङ/सिड्नी
अष्ट्रेलियाको सिड्नीमा अध्ययनरत एक नेपाली युवतीको ४ हजार डलर ठगी भएको छ । अनलाईन स्क्यामर/ठगले नक्कली संघिय प्रहरी बनेर पैसा ठगि गरेको ती युवतीले नेपालट्युबलाई जानकारी गराउनुभयो । तनहु स्थाई घर भई सन् २०१९ देखि सिड्नीमा अध्ययन गरिरहनु भएकी २१ वर्षीय उक्त युवतीलाई मंगलबार बिहान साढे ९ बजे स्क्यामरले मोवाइलमा कल गरेको हो । स्क्यामरले आफु संघिय प्रहरी भएको भन्दै नाम र प्रहरीको ब्याच नम्बर समेत बताएर, युवतीको नामको टिएफएन ट्याक्स फाइल नम्बर दुरुपयोग गरि विभिन्न १५ वटा बैंकमा खाता खालेर दुरुपयोग भएको छ भन्ने धम्क्याएको हो ।
फोनमा कुरा गर्दा गर्दै ठगहरुले वाट्सएपमा मेसेज गरेर गिफ्ट कार्डका फोटो त्यहि पठाउन समेत भनेको ती युवतीले उल्लेख गर्नुभयो । वाट्स् एप मेसेजमा ठगहरुले अष्ट्रेलियन फेडलर पुलिसको नम्कली लोगो समेत राखेको छ । हेर्नुस् तस्बिर

त्यसपछि ती ठगले बैंकमा भएको सबै पैसाले तत्काल गिफ्ट कार्ड किनेर कार्ड नम्बर पठाए कानुनी कारवार्हीबाट जोगिने भनेर आश्वसन दिएको समेत उक्त युवतीले नेपालट्युबलाई जानकारी गराउनुभयो । ठगलाई प्रहरी नै हो भन्ने विश्वास गरेर ती युवतीले तत्कालै नजिकैको कोल्समा गई ५ सय दरको चार वटा गिफ्ट कार्ड किनेर, त्यसको नम्बर ठगलाई पठाएको बताउनुभयो । फोन नै राख्न नदिएको उक्त ठगले, गिफ्ट कार्डमा पठाएको पैसा बराबरको बैंकको चेक लिएर दुइ घण्टापछि घरमै प्रहरी अधिकारी आउने भन्दै युवतीको ठेगाना समेत मागेको हो ।
पैसा तिरेको दुइ घण्टा बितिसक्दा समेत प्रहरी नआएपछि ती युवती आफै प्रहरी कार्यलय पुग्नुभएको थियो । त्यसपछि मात्रै आफु ठगिएको चाल पाएको सो युवतीले बताउनुभयो । प्रहरी र बैंकमा उजुरी गरेपनि पैसा फिर्ता हुने संभावना न्युन रहेको भन्दै ती युवतीले दुखेसो गर्नुभयो ।

भएको पैसा लुटिएपछि खान बस्नै समस्या

सिड्नी कोरोनाको कहरमा छ । हप्तौदेखि लकडाउन हुदा क्याफेको काम पनि गुमेको छ ती युवतीको । २० घण्टाभन्दा कम मात्रै काम गर्ने भएकाले सरकारबाट एक पटक ३ सय डलर मात्रै राहत पाएको सो युवतीले बताउनुभयो । कलेजको फि तिर्न जम्मा गरेको पैसा पनि लुटिएपछि ती युवती अहिले निकै अप्ठ्यारोमा पर्नुभएको छ । कलेजको फि कसरी तिर्ने भन्ने समस्या मात्रै होइन, कोठाभाडा र खानै पनि पैसा नभएपछि ती युवतीले सिड्नीस्थिती प्रवासी विद्यार्थी संगठनमा सहयोगका लागि हारगुहार गर्नुभएको छ । संगठनका अध्यक्ष सम्राट ओलीले सो युवतीलाई सहयोग गर्न तयारी गरिरहेको र सबै समुदाय मिलेर सहयोग गर्न सबैलाई आाग्रह समेत गर्नुभयो ।

अष्ट्रेलियामा स्क्यामरको बिगबिगी

अष्ट्रेलियामा अनलाईनबाट ठगी/स्क्यामको घटना बढ्दो क्रममा छ । स्क्यामवाचले सार्वजनिक गरेको तथ्याकं अनुसार सन् २०२० मा मात्रै अष्ट्रेलियामा स्क्यामका १ लाख ६७ हजार भन्दा बढी घटना दर्ता भएका छन् ।
वाचका अनुसार सन् २०२० मा मात्रै ८ सय ५१ मिलियन डलर स्क्यामबाट ठगी भएको छ । जुन सन २०१८ को दाजोमा ३४ प्रतिशतले वृद्धी भएको हो । स्क्यामवाचका अनुसार अष्ट्रेलियामा भएको मुख्य स्क्यामहरु यस्ता छन् ।

$61.8 million: Investment scams

$28.6 million: Dating & romance

$10.1 million: False billing

$5.1 million: Hacking

$4.8 million: Online shopping scams

$4.8 million: Remote access scams

$4.3 million: Identity theft

$4.3 million: Threats to life, arrest or other

$2.8 million: Classified scams

$2.6 million: Inheritance scams