युवा पुस्ताको जीवनशैली र भविष्यको चाहना समेटिएको गीत ‘जेनेरेसन’ बजारमा

ब्रिजबेन,काठमाडौं । अस्ट्रेलियामा बसेर भिडियो प्रडक्शन, निर्देशन र कलाकारितामा सक्रिय राजु कानकि सुपुत्री हिमानीले चर्चित र्यापर बुलेट फ्लो संगको सहकार्यमा युवा पुस्ताको जीवनशैली र भविष्यको चाहना समेटिएको गीत ‘जेनेरेसन’ ल्याएकी छिन ।

हिमानीको स्वर रहेको गीतमा महेश ज्ञवालीको शब्द संगीत रहेको छ । गीतलाई विशाल पौडेलले संगीत संयोजन गरेका हुन्।  म्युजिक भिडियोमा टिकटक स्टार उषा उप्रेती, विना राउत, श्रृष्टी खड्का, लोशिना, सोनी, प्रिन्शिका र अलिशाको अभिनय देख्न सकिन्छ । सन्तोष राजबाहकले कोरियोग्राफी गरेको म्युजिक भिडियोलाई बुद्ध थापाले छायांकन गरेका हुन्।

विकाश दाहालले सम्पादन गरेको भिडियोको निर्देशकको भुमिका भने सशान कंडेलले खेलेका छन् । आरोन कान निर्माता रहेको भिडियोलाई ब्ल्याक आइ क्रियसनको अफिसियल च्यानलबाट सार्वजनिक गरिएको छ । अस्ट्रेलियाको ब्रिजबेन निवासी गायिका हिमानी कान नित्यको क्षेत्रमा समेत जम्दैआएकी छिन ।

म्युजिक भिडियो तलको लिंकमा हेर्नुहोस्