अष्ट्रेलियाको राजदूतमा महेशराज दाहाल पक्का

113

काठमाडौ
अमेरिकाको ग्रिनकार्ड लिएको आरोप लागेको प्रस्तावित राजदूत महेशराज दाहाल अनुमोदित भएका छन् ।
अष्ट्रेलियाको राजदूतका रुपमा संसदीय सुनुवाई समितिको सोमबारको बैठकले दाहाललाई अनुमोदन गरेको हो ।
उनीसंगै अन्य तीन देशका राजदूतको पनि अनुमोदन भएको छ ।

यसअघि बैठकमा अष्ट्रेलियाका लागि प्रस्तावित राजदूत महेशराज दाहाललाई अधिकांश सांसदहरुले ग्रिनकार्ड लिएको आरोप लगाएका थिए।
जवाफमा नेकपा अध्यक्ष पुष्पकमल दाहालका भतिजा दाहालले आफूले अमेरिकाको ग्रिनकार्ड नलिएको स्पष्ट पारेका थिए ।
सरकारले गत महिना दाहाललाई अष्ट्रेलियाको राजदूतमा सिफारिस गरेको थियो ।
तत्कालिन राजदूत लक्की शेर्पामा विवादमा परेर स्वेदश फर्किएपछि झण्डै ६ महिनादेखि अष्ट्रेलिया राजदूत विहिन छ ।

को हुन् महेश दाहाल

हालै सरकारले अष्ट्रेलियाका लागि राजदूत सिफारिस गरेका महेश दाहाल नेपाल टेलिभिजनका पुर्व कार्यकारी अध्यक्ष हुन् । उनले अन्तराष्ट्रिय सामाजिक संस्था नेपाल जेसिसको अध्यक्ष भएर समेत काम गरिसकेका छन् । ४३ वर्षिय दाहाल ‘मोटिभेसनल स्पिकर’ समेत हुन् । उनी कुशल प्रशिक्षक समेत मानिन्छ ।
चितवन स्थायी घर भएका दाहाल गत ९ असोज २०७५ मा नेकपामा प्रवेश गरेका थिए । त्यसअघि सम्म दाहाल कांग्रेस निकट थिए । दाहालका बाबु टिकाराम दाहाल पनि कांग्रेसका नेता हुन् । सुशिल कोइराला नेतृत्वको कांग्रेस सरकारका संचारमन्त्री मिनेन्द्र रिजालले दाहाललाई नेपाल टेलिभिजनको अध्यक्ष बनाइएको थियो । दाहाललाई पछि माओवादी केन्द्रबाट मन्त्री बनेका राम कार्कीले कार्यकाल थप गरिदिएका थिए ।
माओवादी मन्त्रीले दास्रो पटक कार्यकाल थप गरिदिएपछि दाहाल कम्युनिष्ट निकट हुन थालेका थिए । त्यसो त दाहाल नेकपा अध्यक्ष
पुष्पकमल दाहाल ‘प्रचण्ड’का तेह्रदिने दाजूभाइ हुन् । तत्कालिन एमाले र माओवादी मिलेर बहुमत प्राप्त गरेर शक्तिशाली सरकार बनाएपछि दाहाल पनि नेकपा प्रवेश गरेका थिए । उनलाई प्रचण्ड ९ असोज २०७५ मा बिहान ९ बजेको फ्लाइटबाट अमेरिका उड्नुअघि हतार हतार प्रवेश गराइएको थियो ।
समय अनुसार छलाङ मार्न सक्ने क्षमताका दाहाल पार्टी प्रवेश गरेको ९ महिनामा नै राजदुत सिफारिसमा परेका पर्न सफल भएका छन् ।

Your Comments On This Post