अष्ट्रेलियाको न्यु साउथ वेल्समा ३४४ र भिक्टोरियामा २० जना कोरोना संक्रमित थपिए

ब्रिजबेन, अष्ट्रेलिया । न्यु साउथ वेल्स राज्यमा पछिल्लो २४ घण्टामा ३ सय ४४ जना कोरोना संक्रमित थपिएका छन् । न्यु साउथ वेल्सको स्वास्थ्य विभागले १ लाख १९ हजार २५६ जनाको पीसीआर परीक्षणका क्रममा ३ सय ४४ जनामा संक्रमण पुष्टि भएको जानकारी दिएको हो ।

पछिल्लो समय संक्रमित हुने सबै जना स्थानीय रहेको बताइएको छ । यस्तै, पछिल्लो २४ घण्टामा कोरोना संक्रमणबाट थप २ जनाको मृत्यु भएसँगै न्यु साउथ वेल्समा कोरोनाबाट ज्यान गुमाउनेको संख्या ९१ पुगेको छ । सिमावर्ती राज्य भिक्टोरियामा पछिल्लो २४ घण्टामा २० जनामा कोरोना संक्रमण पुष्टि भएको छ । ४१ हजार ५७१ जनाको कोरोना परीक्षण गर्दा २० जनामा कोरोना संक्रमण पुष्टि भएको हो ।

यी दुई राज्यमा लकडाउनकै क्रममा कोरोना संक्रमणले विस्तार पाइरहेको छ । स्थानीय स्तरमा संक्रमण विस्तार भएका कारण पनि महामारि नियन्त्रण स्थानीय र राज्य सरकारका लागि चुनौती बन्दैआएको छ ।