न्यु साउथ वेल्समा थपिए ८३२ संक्रमित, भिक्टोरियामा ६१ संक्रमित थपिदा फेरिए प्रतिबन्धका नियम

ब्रिजबेन, अष्ट्रेलिया । न्यु साउथ वेल्समा पछिल्लो २४ घण्टामा अहिलेसम्मकै उच्च रेकड बनाउने गरि कोरोना संक्रमित थपिएका छन् । स्वास्थ्य विभागले दिएको जानकारी अनुसार न्यु साउथ वेल्समा पछिल्लो २४ घण्टामा ८३२ जना कोरोना संक्रमित थपिएका हुन ।

पछिल्लो २४ घण्टामा १ लाख २४ हजार ६१० कोरोना परीक्षण गर्दा ८२५ जना स्थानीय र ७ बाहिरी गरेर ८३२ जनामा कोरोना संक्रमण पुष्टि भएको छ । पछिल्लो २४ घण्टामा कोरोना संक्रमणबाट थप ३ जनाको मृत्यु भएको छ । यता भिक्टोरिया राज्यमा समेत कोरोना संक्रमण बढिरहेको छ । पछिल्लो २४ घण्टामा गरिएको ४५ हजार ६७० परीक्षणबाट भिक्टोरियामा ६१ जनामा कोरोना संक्रमण पुष्टि भएको छ ।

भिक्टोरियाको प्रतिबन्धमा नयाँ नियम
नयाँ प्रतिवन्ध सेप्टेम्बर २ तारिखको मध्यरातसम्म लागु हुने बताइएको छ । कोरोना संक्रमण बढ्दै गएपछि भिक्टोरियाको प्रतिबन्धमा नयाँ नियम लागु भएको छ । शनिबार दिउसो १ बजेदेखि यसभन्दा अघिका नियमहरूमा यी परिवर्तनहरु गरिएका छन् ।

शनिबारदेखि भिक्टोरियामा लागु भएका नयाँ नियमहरू
१) भिक्टोरियाबासीहरूले जम्मा ५ अवस्थामा मात्रै घर बाहिर जान पाउनेछन् । अत्यावश्यक सामान खरिद गर्न, केयर सम्बन्धित काम, दैनिक २ घण्टाका लागि व्यायाम गर्न, अनुमति भएको अवस्थामा कामका जान र कोरोना विरूद्धको खोप लगाउन मात्रै त्यहाँका मानिसहरू बाहिर निस्किन पाउनेछन् ।

२) भिक्टोरियाबासीहरू जम्मा ५ किलोमिटर वरपरसम्म मात्रै जान पाउनेछन् ।
३) बालबालिकाको हेरचाहको लागि भिक्टोरियाबासीहरू यात्रा गर्न पाउनेछन् ।
४) जुनसुकै अवस्थामा पनि मास्क लगाउन अनिवार्य गरिएको छ ।
५) मानिसहरू एक अर्काको घरमा ओहोर दोहोर गर्न पाउने छैनन् ।
६) अनुमति प्राप्त व्यक्तिहरूमा लागि काममा जान कुनै बाधा हुने छैन ।