Techie IT
Wednesday May 12, 2021  |   बुधबार, बैशाख २९, २०७८
गृहपृष्ठ » Breaking News » हुम्ला र मुगुमा हिमपात, देशभर चिसो बढ्यो

हुम्ला र मुगुमा हिमपात, देशभर चिसो बढ्यो


316 Views

हुम्ला, काठमाडौं । हुम्ला र मुगुमा गएरातिदेखि भारी हिमपात भएको छ । हिमपातले हुम्ला, मुगुलगायतका हिमाली जिल्लाहरुमा जनजीवन प्रभावित बनाएको छ । उच्च हिमाली जिल्लामा हिमपात भएसँगै देशभर चिसो बढेको छ ।

सिमकोटमा तापक्रम माइनस ८ डिग्री मा झरेको छ । नाम्खा गाउँपालिका वडा नम्बर ६ का वडाअध्यक्ष पाल्जोर तामाङले नाम्खा गाउँपालिकाको लिमीमा एक फिट भन्दाबढी हिउँ जमेको जानकारी दिनुभयो । हिमपात सुरू भएपछि लिमिबाट सदरमुकाम सिमकोट आवतजावतमा समस्या भएको बताउनुभयो । जिल्लाको उत्तरी नाम्खा गाउँपालिकामा हिमपातले गाईवस्तु, याक चौरीको चरमा समेत समस्या भएको स्थानीयले बताएका छन् । हिमपातले चिसो बढेसँगै भाइटिका थाल्न जानेहरु समेत मारमा परेका छन् ।

पश्चिमी भूभागमा सामान्यदेखि पूर्ण बदली भएको हुँदा कर्णालीका हुम्ला, मुगु, जुम्ला, डोल्पा लगायतका जिल्लाहरुमा पानी पर्नुका साथै उच्च हिमाली क्षेत्रका थुप्रै स्थानमा हिमपात भइरहेको छ । उच्च हिमाली जिल्लामा जारी रहेको हिमपात र मौसमी वद्लाबका कारण देशैभर चीसो बढेको छ । पूर्वी नेपालको तुलनामा पश्चिम नेपालमा चीसो बढेको छ ।

क्याटेगोरी : Breaking News, Nepal



प्रतिक्रिया दिनुहोस

-Advertisement-