Techie IT
Friday April 16, 2021  |   शुक्रबार, बैशाख ३, २०७८
गृहपृष्ठ » Breaking News » प्रतिनिधिसभा विघटनविरुद्ध शनिबारसमेत प्रदर्शन

प्रतिनिधिसभा विघटनविरुद्ध शनिबारसमेत प्रदर्शन


115 Views

काठमाडौं । प्रतिनिधिसभा विघटनको विरोध गर्दै शनिवारपनि काठमाडौंमा प्रदर्शन भएका छन् । डा. गोविन्द केसी, पत्रकार नारायण वाग्लेसहितका नागरिक अगुवा विभिन्न स्वतन्त्र अभियन्ता तथा विभिन्न दलिय संघ संगठनका तर्फबाट प्रतिनिधिसभा विघटनको विरोधमा शान्तिपूर्ण प्रदर्शन भएका हुन् ।

‘प्रतिनिधिसभा विघटनको विरुद्ध अहिंसात्मक नागरिक प्रदर्शन’ लेखिएको ब्यानरसहित माइतिघरमा शान्तिपूर्ण प्रदर्शन भयो । नेपाली कांग्रेस आबद्ध पेशाकर्मी तथा श्रमिकद्वारा देशभर साङ्केतिक विरोध प्रदर्शन गरेका थिए । विरोधस्वरुप प्ले कार्ड, कालोपट्टी र कालो मास्क लगाएका समूहद्वारा काठमाडौँको टुँडिखेललाई केही समय मानवसाङ्लो बनाई घेराउ गरेर समेत प्रतिनिधिसभा विघटनविरुद्ध आन्दोलन गरिएको छ । प्लेकार्डमा ‘प्रतिनिधिसभाको पुर्नबहाली गर, संवैधानिक सर्वोच्चता कायम गर, सामाजिक भत्ता लागू, आमनागरिकलाई निःशुल्क खोप यथाशीघ्र वितरण, सबै श्रमिकको स्थानीय तहमा पञ्जिकरण र न्यूनतम पारिश्रमिक निर्धारण गर’ जस्ता माग लेखिएका थिए ।

सहभागिहरुले प्रतिनिधिसभा मार्न पाईँदैन, निरंकुश सरकार चाहिँदैन, संवैधानिक निकायको कब्जा बन्द गर, प्रतिनिधिसभा पुनःस्थापना गर लगायत नारा लेखिएका पोस्टरसहित नारा लगाएका थिए । भौतिक दूरी कायम गरी कालो मास्क र कालोपट्टी लगाई विभिन्न नारा लेखिएका प्लेकार्ड बोकेका पेशाकर्मी र श्रमिकले भने मौन विरोध प्रदर्शन गरेका थिए ।

क्याटेगोरी : Breaking News, Nepal



प्रतिक्रिया दिनुहोस

-Advertisement-