नेपालट्युबका नेपाल सम्पादकलाई कोरोना संक्रमण, होम आइसोलेसनबाटै काम

काठमाडौं । नेपालट्युबका नेपाल सम्पादकलाई कोरोना भाइरसको संक्रमण पुष्टी भएको छ । अघिल्लो साताबाटै टाउको दुख्ने, आँखा पोल्ने जस्ता लक्षण देखिएपनि १७ गते माघ सम्पादक पुण्यप्रसाद धलालाई सामान्य ज्वरो आएपछि पीसीआर परिक्षण गराउँदा कोरोना संक्रमणको पुष्टी भएको थियो ।

ज्वरो सोही दिन नै नियन्त्रणमा आएपनि स्वाद हराउने, टाउको दुख्ने लगायतका सामान्य समस्या देखिएका धमला अहिले होम आइसोलेसनमै रहेर आफ्नो पत्रकारितालाई निरन्तरता दिइरहेका छन् । स्वास्थ्यमा खासै समस्या नभएका कारण होम आइसोलेसनको केही दिनको बसाईपछि पुर्ण रुपमा स्वस्थ भएर नियमित काममा फर्किने विश्वासमा रहेका छन् ।

श्रीमति र तीन वर्षे छोरासँग बस्दै आएका धमलाकी श्रीमतीमा समेत कोरोनासँग मिल्दोजुल्दो स्वास्थ्य समस्या देखिएको छ । दुबैजना होम आइसोलेसनमा कोरोना जित्ने क्रममा रहेपछि तीन वर्षे छोरामा भने कुनै लक्षण देखिएको छैन । उनी अहिले आमा बुबाकै साथमा छन् ।