Techie IT
Tue, October 19, 2021  |   मङ्लबार, कार्तिक २, २०७८
गृहपृष्ठ » Breaking News » शुभकामना आदानप्रदानसहित विभिन्न कार्यक्रम गरेर बर्ष २०७८ को सुरुवात

शुभकामना आदानप्रदानसहित विभिन्न कार्यक्रम गरेर बर्ष २०७८ को सुरुवात


281 Views

काठमाडौं । नेपालीहरूको नयाँवर्ष २०७८ आजबाट शुरू भएको छ । विक्रम संवत २०७८ को पहिलो दिन वैशाख १ गते नेपालीहरूले एकआपसमा शुभकामना आदानप्रदान गरी हर्षोल्लासका साथ मनाउँदै छन् ।

आज सूर्यले मीन राशिको भोग समाप्त गरी मेष राशिबाट भोग शुरु गर्ने दिन, वैशाख सङ्क्रान्ति अर्थात् मेष संक्रान्ति तथा वर्षको जेठो दिन पनि हो । नेपाल पञ्चाङ्ग निर्णायक समितिले सूर्यको गतिसँग चल्ने भएकाले विक्रम संवत् शाश्वत भएको बताउने गरेको छ । हरेक व्यक्तिले आज गत वर्ष गरेका कामको सफलता÷असफलता मूल्याङ्कन गरी असफलता दोहोरिन नदिने र सफलता प्राप्त गर्न योजना निर्माण एवं संकल्प गर्ने गर्दछन् ।

बैशाख १ गतेका दिन बिहानै नुहाउने, घरकोठा–आँगन सफागर्ने, मीठोमीठो खाने, साथी सङ्गाती तथा इष्टमित्रसँग भेटघाट गरी एकआपसमा शुभकामना आदान प्रदान गर्ने प्ररम्परा समेत रहिआएको छ । विश्वका जुनसुकै कुनामा बस्ने नेपालीले वैशाख १ गतेलाई नयाँ वर्षका रुपमा मनाउँछन् । नयाँ वर्षका अवसरमा पशुपतिनाथ मन्दिरमा दर्शनका लागि आउने भक्तजनलाई विशेष व्यवस्था गरिएको छ । नयाँ वर्षका अवसरमा नेपालभरका सरकारी कार्यालय, सार्वजनिक संस्थान एवं शिक्षण संस्थामा सार्वजनिक बिदा दिइएको छ ।

नयाँ बर्षको उपलक्ष्यमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीलगायत बिभिन्न दलका नेताहरुले शुभकामना दिर्दै, राजनीति स्थायीत्व, सुख र संम्बृद्धीको कामना गरेका छन् ।

क्याटेगोरी : Breaking News, Nepal



प्रतिक्रिया दिनुहोस

-Advertisement-