Techie IT
Wednesday May 12, 2021  |   बुधबार, बैशाख २९, २०७८
गृहपृष्ठ » Breaking News » एमाले नेतामाथी स्पष्टीकरण सोध्ने अध्यक्ष ओलीले १५ दिनभित्र सर्वोच्चमा जवाफ दिनुपर्ने

एमाले नेतामाथी स्पष्टीकरण सोध्ने अध्यक्ष ओलीले १५ दिनभित्र सर्वोच्चमा जवाफ दिनुपर्ने


62 Views

काठमाडौं । सर्वोच्च अदालतले एमाले अध्यक्ष केपी शर्मा ओलीले माधव नेपाल पक्षका नेताहरुलाई सोधेको स्पष्टीकरणका विषयमा कारण देखाउ आदेश जारी गरेको छ ।

सोमबार न्यायाधीश प्रकाशकुमार ढुंगानाको एकल इजलासले अहिले नै कारबाही भइसकेको अवस्था नदेखिएको भन्दै कारबाही रोक्न भनी माग गरेको अन्तरिम आदेश दिन अस्वीकार गरेपनि स्पष्टीकरणका विषयमा कारण देखाउ आदेश जारी गरेको हो । निर्वाचन आयोग, एमाले अध्यक्ष केपी शर्मा ओली लगायतलाई विपक्षी बनाइएको रिटमा सर्वोच्चले विपक्षीसँग १५ दिनभित्र लिखित जवाफ दिन माग गरेको छ । आदेशमा वरिष्ठ नेता नेपालको रिटलाई अग्राधिकार दिने भनिएको छ । वरिष्ठ नेता नेपाल–खनाल पक्षका नेताहरुको तर्फबाट वरिष्ठ अधिवक्ता शम्भु थापासहित अधिवक्ता चन्द्रकान्त ज्ञवाली, टिकाराम भट्टराई लगायतले बहश गरेका थिए ।

वैशाख ६ गते एमाले अध्यक्ष एवं एमाले संसदीय दलका नेता केपी शर्मा ओलीले नेता माधवकुमार नेपालसहित २७ सांसदलाई सांसद पदबाट किन नहटाउने भनी स्पष्टीकरण माग गरेका थिए । यसविरुद्ध नेता माधवकुमार नेपाल, भीम रावल, घनश्याम भुसाल र सुरेन्द्र पाण्डे कारबाही यथास्थितिमा राख्न र थप कारवाही नगर्न नगराउन अन्तरिम आदेश माग गर्दै सर्वोच्च अदालत पुगेका थिए ।

क्याटेगोरी : Breaking News, Nepal, Politics



प्रतिक्रिया दिनुहोस

-Advertisement-