काठमाडौं । सरकारले निजी अस्पताल तथा मेडिकल कलेजहरु समेत गरेर ३० वटा अस्पतालमा कोरोना संक्रमितको निःशुल्क उपचार गर्ने भएको छ । स्वास्थ्य तथा जनसंख्या मन्त्रालयले सात प्रदेशका ३० वटा निजी अस्पताल तथा मेडिकल कलेजसँग कोरोना संक्रमितको निःशुल्क उपचारका लागि सम्झौता गरेको हो ।
यो सम्झौतासँगै विपन्नहरुले कोरोना संक्रमित भएको खण्डमा निशुल्क उपचार पाउने स्वास्थ्य तथा जनसंख्या मन्त्रालयका सह–प्रवक्ता समीरकुमार अधिकारीले जानकारी दिनुभयो । आइसोलेसनमा प्रतिदिन प्रतिव्यक्ति ३५ सय, मध्यम जटिल केशका बिरामीको उपचारका लागि ७ हजार र आईसीयू तथा भेन्टिलेटरमा उपचारका गर्नेलाई १५ हजारका दरले सोधभर्ना बापत अस्पताललाई मन्त्रालयले दिने सहमति भएको छ ।
मन्त्रालयसँग सम्झौता गरेका ३० अस्पतालहरुले संक्रमितको उपचारको खर्च विवरण स्वास्थ्य मन्त्रालयलाई बुझाएपछि प्राप्त गर्नेछन भने शुल्क तिर्न नसक्ने नागरिकको उपचार ती अस्पतालले निशुल्क गर्नुपर्नेछ ।
लाइभ न्युज
तपाईको प्रतिक्रिया