Techie IT
Sat, September 25, 2021  |   शनिबार, अशोज ९, २०७८

Grow your business

गृहपृष्ठ » Breaking News » नेपालमा विपद्ध : यी क्षेत्रमा बाढी र डुबानको जोखिम

नेपालमा विपद्ध : यी क्षेत्रमा बाढी र डुबानको जोखिम


126 Views

काठमाडौं । सिन्धुपाल्चोकको बाह्रबिसे, डोटीको केआईसिंह गाउँपालिका–३ बासुदेवी देउकाँडा, मनाङ सदरमुकाम चामेबजार वरिपरिका बस्ती बाढी र पहिरोको डुबानमा पर्दा मानिवियसँगै ठूलो भौतिक क्षति भएको छ । सिन्धुपाल्चोकमा ७ जनाको शब भेटिएको छ भने ५० भन्दा बढी हराइरहेका छन् । देशका थुप्रै सडक सञ्जाल अबरुद्ध हुँदा थुप्रै बस्तीलाई बाढी र पहिरोले बिस्तावित बनाएको छ ।

मनसुन सक्रिय भएका कारण यो जोखिम थप बढ्ने क्रममा छ । बुधबार मात्रै पनि राप्ती, तिनाउ, बबई, कालिगण्डकी, भेरी र भेरीका सहायक नदी जलाधार क्षेत्रमा बाढीको उच्च जोखिम रहेको भन्दै बाढी पूर्वानुमान महाशाखाले सतर्कता अपनाउन आह्वान गरेको छ । कोशी र कोशीका सहायक नदीमा पानीको बहाव सामान्य रहने अनुमान गरिएपनि नारायणी, कर्णाली, महाकाली जलाधारका केही सहायक नदीमा आकस्मिक बहाव बढेर सतर्कता तह आसपास पुग्न सक्ने पूर्वानुमान गरिएको छ । कन्काई, कमला, वाग्मती, पूर्वी राप्तीमा पनि पानीको बहाव बढ्ने तर सतर्कता तह भन्दा तलै रहने महाशाखाले जनाएको छ ।

वाग्मती प्रदेशको काठमाडौंसहित रसुवा, सिन्धुपाल्चोक, चितवन, मकवानपुर, गण्डकीको गोरखा, मनाङ, लमजुङ, कास्की, पर्वत, म्याग्दी, तनहुँ, स्याङजा, नवलपुर, लुम्बिनीको परासी, पाल्पा, कपिलबस्तु, अर्घाखाँची, गुल्मी, प्यूठान, दाङ, बाँके, बर्दिया र रुकुम, कर्णालीको सुर्खेत, सल्यान, दैलेख, जाजरकोट तथा सुदूरपश्चिमको कञ्चनपुर, कैलाली, डडेल्धुरा, डोटी, अछाम, बाजुरा, बझाङ, दार्चुला र आसपास भइ बग्ने नदी जलाधारमा बाढी आउने पूर्वानुमानसहित सतर्कता अपनाउन महाशाखाले आग्रह गरेको छ ।

नारायणी नदीको बहाव विगत ४० बर्षपछिकै उच्च एक करोड ६४ लाख ५५ हजार लिटर प्रतिसेकेन्ड मापन गरिएसँगै नारायणीका सहायक नदीमा समेत सर्तकता तह आसपास रहेको बहाव बढेर जोखिम बढ्ने आँकलन गरिएको छ । मंगलबार मात्रै सिन्धुपाल्चोकको जलबिरेमा बलेफी खोला जलमापन केन्द्रमा आकस्मिक जलसतह बढेर खतरा तह पार गरेको छ । यहाँ बाढी र पहिरोले ठूलो जनधनको क्षती पुगेकोमा अहिले बहाब घट्दो क्रममा रहेको देखिएको छ ।

मनसुनी वर्षा देशभर नै सक्रिय भएको छ । निरन्तरको झरीले देशको हिमाली र पहाडी क्षेत्रमा बाढी र तराई तथा नदितटिय क्षेत्रमा बाढी र डुबानको जोखिम बढेको भन्दै सरकारले बिशेष सतर्कता अपनाउन अपिल गरेको छ ।

क्याटेगोरी : Breaking News, Nepal



प्रतिक्रिया दिनुहोस

-Advertisement-