Techie IT
Friday July 23, 2021  |   शुक्रबार, साउन ८, २०७८
गृहपृष्ठ » Breaking News » आन्तरिक उडान असार १७ बाट, अन्तराष्ट्रिय उडानको तालिका सार्वजनिक

आन्तरिक उडान असार १७ बाट, अन्तराष्ट्रिय उडानको तालिका सार्वजनिक


139 Views

काठमाडौं । संस्कृति, पर्यटन तथा नागरिक उड्डयन मन्त्रालयले नियमित आन्तरिक उडान १७ असारबाट शुरु गर्ने निर्णयसहित अन्तर्राष्ट्रिय उडानको तालिका सार्वजनिक गरेको छ । १ जुलाई अर्थातः १७ असारबाट आन्तरिकतर्फका नियमित उडान हुने मन्त्रालयका प्रवक्ता तारानाथ अधिकारीले जानकारी दिनुभयो ।

साविकको तुलनामा ५० प्रतिशत मात्र हुने गरि उडान खुलाइने बताइएको छ । सोको व्यवस्थापन भने नेपाल नागरिक उड्डयन प्राधिकरणले गर्ने छ । मन्त्रिपरिषद्को निर्णयपछि विमानस्थल र वायुसेवा कम्पनीले गर्ने टिकेटिङ, उपत्यका बाहिर रहेका वायुसेवा कम्पनीका कर्मचारीलाई उपत्यका फर्कने समय समेत राखेर एक सातापछिबाट उडान शुरु गर्न लागिएको हो । सरकारको निर्णयसँगै वायुसेवा कम्पनीले समेत टिकट बिक्रि शुरु गरेका छन् ।

अन्तर्राष्ट्रिय उडान बिहिबारदेखि
विभिन्न अन्तर्राष्ट्रिय गन्तब्यमा भने तोकिएको रुटमा बिहीबारबाटै उडान शुरु हुने भएको छ । मन्त्रालयले जुन ३० सम्मका लागि उडान तालिका सार्वजनिक गरेको छ । तालिका अनुसार २४ जुलाईमा नेपाल एयरलाइन्सले कतारको दोहा र टर्कीस एयरलाइन्सले इस्तानबुलबाट उडान गर्नेछ । २५ जुनमा नेपाल एयरलाइन्सको जहाज जापान जानेछ । यो दिन एयर इण्डियाको जहाज दिल्लीबाट काठमाडौं आउनेछ ।

२६ जुनमा कतार एयरवेजको जहाज दोहाबाट काठमाडौं आउनेछ । टर्की एयरलाइन्सको जहाज इस्तानबुलबाट काठमाडौं आउने भएको छ । यो दिन एयर अरेवियाको जहाज आबुधावीबाट काठमाडौं आउने गरि उडान तालिका सार्वजनिक गरिएको छ । २७ जुनमा नेपाल एयरलाइन्सले दोहा उडान भर्ने, सोही दिन हिमालय एयरलाइन्सले क्वालालाम्पुर र दुबईमा एक÷एक उडान भर्नेछ । कतार एयरवेज दोहाबाट काठमाडौं आउने छ । जजिरा एयरवेज कुवेतबाट काठमाडौं आउने गरि तालिका तय भएको छ ।
यस्तो छ, अन्तराष्ट्रिय उडान तालिका :

क्याटेगोरी : Breaking News, Nepal



प्रतिक्रिया दिनुहोस

-Advertisement-