Techie IT
Tuesday August 3, 2021  |   मङ्लबार, साउन १९, २०७८
गृहपृष्ठ » Breaking News » अमेरिकाबाट सोमबार नेपाल आइपुग्दै १५ लाख डोज जोन्सन एन्ड जोन्सन खोप

अमेरिकाबाट सोमबार नेपाल आइपुग्दै १५ लाख डोज जोन्सन एन्ड जोन्सन खोप


42 Views

काठमाडौं । अमेरिकाले नेपाललाई अनुदानस्वरुप दिएको १५ लाख डोज खोप सोमबार बिहान आइपुग्ने भएको छ । अमेरिकाले मोर्डनाको ३० लाख डोज खोप इन्डोनेसियालाई, पाँच लाख डोज भुटानलाई तथा जोनसन एन्ड जोनसनको १५ लाख डोज खोप नेपालका लागि पठाएको हो ।

आज पठाइएको खोप सोमवार बिहान काठमाडौं आइपुग्नेछ । जोनसन एन्ड जोनसनको खोपलाई विश्व स्वास्थ्य सङ्गठनले मान्यता दिएको छ भने नेपालको औषधि व्यवस्था विभागले पनि अनुमति दिने अन्तिम तयारी गरिरहेको छ । यो एक डोज मात्रै लगाए पुग्ने खोप हो । अमेरिकाले कम विकसित र विकासशील देशलाई दिने प्रतिबद्धता जनाएको आठ करोड डोज खोप अन्तर्गत ५० लाख डोज खोप तीन वटा देशका लागि पठाएको राष्ट्रपति जो बाइडेनको प्रशासनले जनाएको छ । अमेरिकाका वैज्ञानिक कानुनी र नियामक निकायका प्राविधिकले नेपाल र भुटानमा खोपको प्रभावकारी वितरणका लागि मिलेर काम गरेको उल्लेख गरिएको छ ।

अमेरिकाले चीनको प्रभावमा रहेका देशमा खोप कुटनीति गरिरहेको आरोप लाग्दैआएपनि ह्वाइट हाउस प्रशासनले महामारीको अन्त्य र मानवीय सहयोगका लागि खोप वितरणमा भुमिका खेलेको बताएको छ ।

क्याटेगोरी : Breaking News, Nepal



प्रतिक्रिया दिनुहोस

-Advertisement-