मेलवर्नको एक घरमा आगलागी, ४ बालबालिकाको निधन, ३ घाइते

मेलवर्न/आइतबार बिहान १ बजे एक्कासी सल्किएको आगोले घरभित्र सुतिरहेका ४ जना बालबालिकाको जलेर निधन भएको छ । मेलवर्नको वेरिबीस्थित घरमा आगलागी भएको हो । आगलागीमा परि एकै परिवारका १० र ३ वर्षका बालक तथा ६ र १ वर्षिय बालिकाको निधन भएको प्रहरीले जनाएको छ ।

आगलागीमा परि घाइते एक महिला, एक पुरुष र ७ वर्षका बालकको भने उपचार भइरहेको छ । आगलागीबाट घर पुर्णरुपमा जलेको छ । आगलागी भएको १० मिनेटमै दमकल घटनास्थलमा पुगेर आगो निभाउन सुरु गरेको थियो । पुर्णरुपमा आगो निभ्न ४० मिनेट भन्दा बढी समय लागेको थियो । आगलागी कसरी र किन भयो भन्ने भिक्टोरिया प्रहरीले अनुसन्धान गरिरहेको छ । घटना निकै दुखद भएको प्रहरीले जनाएको छ ।