मार्च १६ मा ७० औं मिस वर्ल्डको ग्रान्ड फिनाली, मिस नेपालसहित ४० जनालाई निम्तो

काठमाडौं । कोरोनाभाइरस महामारीले रोकिएको विश्व सुन्दरी प्रतियोगिता (मिस वर्ल्ड) को ग्रान्ड फिनाली ४० जना प्रतिस्पर्धीलाई सहभागि गराएर हुने भएको छ । मिस वर्ल्डले एक सूची सार्वजनिक गर्दै यसअघि नै सेमिफाइनलमा पुगेका र निर्णायकले छनौट गरेका २५ सहित चालिसजना प्रतिस्पर्धीलाई मात्र फिनालीमा सहभागी गराइने जानकारि दिएको हो ।

उक्त सूचीमा हेड टु हेड च्यालेन्जबाट अन्तिम ३० मा यसअघि नै प्रवेश गरेकी मिस नेपाल नम्रता श्रेष्ठ पनि समेटिएकि छिन् । नम्रता हेड टु हेड च्यालेन्जबाट मात्र छानिएकि हुन । कूल ९७ प्रतिस्पर्धीमध्येबाट ४० जना प्रतिस्पर्धीलाई फिनालीमा सहभागी गराइने र निम्तो नगरिएका प्रतिस्पर्धीलाई भर्चुअलरुपमा सहभागी गराइने बताइएको छ ।

फिनालीमा भाग लिन निम्तो दिइएका भने मार्च १२ मा अमेरिकाको पुएर्तो रिकोमा पुग्नुपर्नेछ । मार्च १६ मा ७० औं मिस वर्ल्डको ग्रान्ड फिनाली आयोजना हुँदैछ । मार्च १७ मा ब्यूटी विथ पर्पसको विशेष इभेन्ट हुनेछ भने मार्च १८ मा सहभागी स्वदेश फर्कने बताइएको छ ।