नेपालका बैंकबाट अब घरमै बसेर ५ लाखसम्म ऋण लिन पाउने, यी ग्राहकले पाउँछन सुविधा

काठमाडौं । नेपाल राष्ट्र बैंकले विद्युतीय माध्यमबाट प्रवाह हुने कर्जा (डिजिटल लेण्डिङ) सम्बन्धी मार्गदर्शन जारी गरेसँगै बैंक तथा वित्तीय संस्थाहरूले अब ग्राहकलाई विद्युतीय माध्यमबाट कर्जा (ऋण) दिन पाउने भएका छन् । राष्ट्र बैंकले जारी गरेको मार्गदर्शनमा बैंक तथा वित्तीय संस्थाहरूले विद्युतीय माध्यमबाट बढीमा पाँच लाखसम्म कर्जा दिन पाउने उल्लेख गरिएको छ ।

बैंक तथा वित्तीय संस्थामा रहेको तलबी, पेशागत वा व्यावसासिक खाता भएका ग्राहकले मात्र यो सेवा पाउँने बताइएको छ । विद्युतीय कर्जा प्रदान गर्नको लागि बैंक तथा वित्तीय संस्थाहरूले बेग्लै वेबसाइट (पोर्टल) बनाएर सोही माध्यमबाट निवेदनलगायत आवश्यक कागजपत्र लिनुपर्ने व्यवस्था गरिएको छ । कर्जा स्वीकृत भए नभएको जानकारी पनि सम्बन्धित बैंक तथा वित्तीय संस्थाहरूले ग्राहकलाई डिजिटल माध्यमबाट नै दिनुपर्ने राष्ट्र बैंकको व्यवस्थामा भनिएको छ ।

डिजिटल माध्यमबाट लिइएको कर्जा बढीमा तीन वर्षभित्र तिरी सक्नुपर्ने समयसिमा राखिएको छ । यो कर्जा सेवामा एकैपटक वा किस्ताबन्दी रुपमा तिर्न पाइने सुविधा समेत राखिएको राष्ट्र बैंकले जानकारि दिएको छ ।