Techie IT
Thursday August 5, 2021  |   बिहिबार, साउन २१, २०७८
गृहपृष्ठ » News » सिड्नीमा बन्दुकधारीद्वारा एक नेपाली युवती लुटिइन् ।

सिड्नीमा बन्दुकधारीद्वारा एक नेपाली युवती लुटिइन् ।


497 Views

सिड्नी
अघिल्लो शुक्रवार सिड्नीको परामाटा ट्रेन स्टेसन बाहिर एक नेपाली युवती लुटिएकी छिन् ।

बिहान पौने ५ बजे घरबाट काममा जाने क्रममा दुइ बन्दुकधारीले नेपाली युवतीमाथी लुटपाट गरेको हो । कारमा आएका दुइ युवकले टाउकोमा बन्दुक तेस्याएर युवतीको ब्याग खोसेका थिए । “चारैतिर अध्यारो थियो” -लुटिएकी युवतीले भनिन् -“अचानक बन्दुक देखाएपछि म त डरले काम्न थाले, मसंग भएको ब्याग खोसेर उनीहरु कार चढेर फरार भए” ।
झोला नदिएको भए उनीहरुले मलाई जे पनि गर्न सक्ने भन्दै युवतीले आफु अझै पनि डरले कामिरहेको बताइन् । उनको झोलामा आइफोन एक्स, आइपड, ६ सय डलर पैसा लगायत महत्वपूर्ण कागजपत्र थिए । घटनापछि उनले प्रहरीमा उजुरी दिएकी छिन् । डरका कारण ती युवती एक सातादेखि काममा समेत गइकी छैनन्

अष्ट्रेलियाका ४६.६ प्रतिशत युवती अध्यारोमा एक्लै हिड्न डराउने प्रतिवेदन

पछिल्लो अध्ययन अनुसार अष्ट्रेलियाका ४६ दशमलव ६ प्रतिशत युवतीहरु अध्यारोमा एक्लै हिड्न डर मान्ने गरेको तथ्य फेला परेको छ । १५ देखि १९ वर्ष उमेर समुहका २८ हजार २ सय ८६ जनामा गरिएको सर्वेक्षणमा यस्तो तथ्य फेला परेको हो । मिसन अष्ट्रेलिया जेण्डर ग्याप २०१८ युवा सर्वेक्षणको रिपोर्ट हालै सार्वजनिक भएको हो ।
युवतीहरुले एक्लै हिड्दा डराउने पर्ने अवस्थालाई सामान्य रुपमा हेर्न नमिल्ने मिसन अष्ट्रेलियाका कार्यकारी प्रमुख जेम्स टोमीले बताउनुभयो । उनीहरुको सुरक्षाका लागि कदम चाल्नुपर्ने टोमीको भनाई छ ।

क्याटेगोरी : News



प्रतिक्रिया दिनुहोस

-Advertisement-