विवाहको ११ दिनमै श्रीमान छाडेर अमेरिका उडिन नायिका केकी अधिकारी, कारण यस्तो !

काठमाडौं । कुनैपनि विवाहित जोडिको चाहाना हुन्छ, विवाहपछि बढीभन्दा बढी समय एकसाथ बिताउन पाइयोस् । यसैका लागि हनिमुनको प्रचलनले ब्यापकता पाइरहेको छ । तर सबैले विवाहपछि निकालेर लामो समय सँगै रहने शौभाग्य पाउँदैनन् ।

हो, यस्तै भएको छ नायिका केकी अधिकारीको हकमा पनि । हनिमुन मनाउन नभ्याउँदै श्रीमानसँग केही दिनका लागि छुट्टिनु परेको केकी बताउनुहुन्छ । विवाहको ११ दिनमै केकी एउटा कार्यक्रमका लागि भन्दै अमेरिका पुग्नुभएको छ । नव विवाहित श्रीमानलाई छोडेर केकी अमेरिका हानिने क्रममा निरास जस्तो बन्नुभएको थियो । अमेरिकामा आयोजना हुन गइरहेको मेरो डान्स कप युएसए र मेरो भ्वाइस कप यूएसका लागि अमेरिका पुग्नुभएकी केकीले यात्राका क्रममा श्रीमानलाई मिस गरिरहेको बताउनुभएको छ ।

केकीलाई यो यात्रामा बेस्ट फ्रेन्ड रिमा विश्वकर्मा साथमा रहेकाले एक्लो महसुस भने भएको छैन । अमेरिका उड्ने क्रममा केकीलाई श्रीमान् रोहित तिवारी आफैले त्रिभुवन अन्तर्राष्ट्रिय विमानस्थल पुर्‍याएर बिदाई गर्नुभएको थियो । गलामा मंगलसुत्र र आँखमा कालो चस्मा लगाएकी केकी निकै खुलेकी थिइन् । अमेरिकाबाट फर्केपछि आफ्नो विवाहको कथा मिडियालाई सेयर गर्ने बताउँदै केकी बाहिरिनुभएको थियो ।

केकीले गत वैशाख ९ गते प्रेमी रोहितसँग सुटुक्क बिहे गरेकी थिइन् । बिहेमा रिमाबाहेक अरू सेलिब्रिटीको उपस्थिति थिएन । केकी रोहितको प्रेम सम्बन्ध बारे नै धेरै कलाकार अनविज्ञ रहँदैआएका छन् । बिहेको भोलिपल्टैबाट केकी विश्रामबिना काममा फर्केको बताउनुहुन्छ । हनिमुनलाई भन्दा आफ्नो करिअरलाई नै प्राथमिकतामा राखिरहेकी केहीले अमेरिकाबाट फर्किएपछि के सार्वजनिक गर्नेहुन ? सबैले प्रतिक्षा गरिरहेका छन् ।