पेस्तोल र ४ राउण्ड गोलीसहित ललितपुरबाट दुई जना पक्राउ !

काठमाडौं । ललितपुर महानगरपालिका वडा नं.८, बालकुमारीबाट पेस्तोल र त्यसमा लाग्ने गोलीसहित दुईजनालाई प्रहरीले पक्राउ गरेको छ । पक्राउ पर्नेमा सर्लाहीको लालबन्दी नगरपालिका–१५, घर भएका सुरेन्द्र थिङ र वीरबहादुर बम्जन रहेको बताइएको छ ।

जिल्ला प्रहरी परिसर, ललितपुरका एसपी सिद्धिविक्रम शाहले पक्राउ व्यक्तिको साथबाट ‘मेड इन यूएस’ लेखिएको अटोमेटिक पेस्तोल एउटा, म्याग्जिन दुई वटा, गोली चारवटा पनि बरामद भएको जानकारि दिनुभयो । पेस्तोल कुन प्रयोजनका लागि बोकिएको थियो ? पक्राउ पर्नेहरु कस्ता व्यक्तिहरु हुन भन्ने लगायतका कोणबाट थप अनुसन्धान भइरहेको उहाँले बताउनुभयो ।

पक्राउ अभियुक्त उपर हातहतरियार तथा खरखजाना मुद्धा अन्तर्गत कारबाही अघि बढ्ने छ । यो मुद्धा जिल्ला प्रशासन कार्यालय मातहतबाट अघि बढ्छ ।