चीनको सांघाइमा तापक्रम ४० डिग्री सेल्सियससम्म पुगेपछि रेड अलर्ट !

एजेन्सी,सांघाई । चीनको सांघाइमा तापक्रम अत्यधिक बृद्धि भएर ४० डिग्री सेल्सियससम्म पुगेपछि प्रान्तका केही क्षेत्रमा रेड अलर्ट जारी गरिएको छ । सांघाई नगरपालिका मौसम विज्ञान पर्यवेक्षकले जुलाई ५ देखि लगातार ६ दिनसम्म अत्यधिक उच्च तापक्रम देखिएपछि केही क्षेत्रमा रेड अलर्ट जारी गरेको हो ।

आइतबार सांघाई सुजियाहुई स्टेशनको तापमान ४० डिग्री सेल्सियस मापन गरिएको थियो । सन् १८७३ देखि शहरमा ४० डिग्री सेल्सियसभन्दा माथि जम्मा १५ पटक मात्रै तापक्रम मापन भएको रेकर्ड छ । सन् २०१७ मा सांघाइको तापक्रम ४० दशमलव ९ डिग्री सेल्सियस पुगेको थियो । तापमान उच्च भएसँगै जनजीवन प्रभावित भएको छ भने सरकारले सावधानीपूर्व हिडडुल गर्न भन्दै सचेत गराएको छ ।