क्वीन्सल्याण्ड हत्याकाण्डका आरोपी अदालत उपस्थित, अब हिरासतमै रहने !

ब्रिजबेन,अष्ट्रेलिया । उत्तरी क्वीन्सल्याण्ड राज्यको दुर्गम क्षेत्र बोगीस्थित एक किसान परिवारका तीन जनाको हत्या आरोपित ५९ वर्षीय पुरुष पहिलो पटक अदालतमा उपस्थित भएका छन् । गोली प्रहारबाट तीनवटा हत्या र एउटा हत्या प्रयासको आरोप लागेका आरोपित सोमबार स्थानिय मजिस्ट्रेट अदालतमा भिडियो लिङ्क मार्फत उपस्थित भएका हुन् ।

उनी मुद्धा किनारा नलाग्दासम्म हिरासतमै रहनेछन् । अर्को पेसीका क्रममा नोभेम्बर १ मा उनी अदालतमा उपस्थित हुनुपर्नेछ । घटनामा बाँचेका एक मात्र व्यक्तिको उपचार भइरहेको र उनको अवस्था सुधारोन्मुख भएको बताइएको छ । सम्पत्ति विवादका कारण घटना भएको प्रहरीको प्रारम्भिक अनुसन्धानबाट खुलेको छ । अदालतमा पुगेको मुद्धामाथी प्रहरीले समेत थप अनुसन्धान गरिरहेको छ ।