तास्मानियामा एक नेपालीमाथि मुक्का प्रहार, अन्य दुई जनामाथी किन गरियो दुर्ब्यबहार ?

ब्रिजबेन। अष्ट्रेलियास्थित तास्मानियाको रिजडन भेलमा एक नेपालीमाथि कुटपिट भएको छ। नेपालट्युबको सम्पर्कमा आउनुभएका पीडितले आफूमाथी नाकमा चोट लाग्नेगरि मुक्का प्रहार भएको जानकारि दिनुभएको हो ।

पीडितले उपलब्ध गराएको भिडियोमा एक जना अग्लो कदका व्यक्ति नेपालीहरूलाई गाली गर्दै प्रस्तुत भएका छन् । आक्रोशित बनेका ती व्यक्तिले दुई जना नेपालीमाथि हातपात गर्ने र अपशब्द बोल्दै गालिगलौज गरेका छन् । पीडित नेपालीका अनुसार गाडी कुदाएको सवालमा अपरिचित व्यक्तिले दुर्व्यवहार गर्दै कुटपिट गरेका हुन । यसबारे प्रहरीलाई जानकारि गराइएको भएपनि अहिलेसम्म कोही पनि पक्राउ परेका छैनन ।

नेपालट्युबको सम्पर्कमा पीडित आएसँगै हामीले घटनबारे सिड्नीसहित तास्मानिया हेर्ने महावाणिज्यदूत दीपक खड्का, एनआरएनए तास्मानियाका संयोजक राकेश शाक्य तथा सामाजिक अभियन्ता पुनम पन्तलाई जानकारी गराएका छौँ । नेपाली समूदायका अगुवा तथा एनआरएन राज्य कमिटिले पीडितलाई न्याय दिलाउन सहयोग गर्ने प्रतिबद्धता जनाएका छन् । घटनाको प्रहरीले छानविन गरिरहेको छ ।