उत्तरी एनएसडब्लुका दन्तचिकित्सकविरुद्ध अदालतमा मुद्धा, यस्तो हुनसक्छ जरिवाना !
ब्रिजबेन । अष्ट्रेलियास्थित उत्तरी एनएसडब्लुका दन्त चिकित्सकविरुद्ध अदालतमा मुद्धा दर्ता भएको छ । सन् २०२० अक्टोबर देखी २०२१ को जुलाई बीचमा अंशकालिक आधारमा कार्यरत डेन्टल असिस्टेन्टलाई कानुन अनुसार तलब, सेवा सुविधा नदिएको अनुसन्धानबाट खुलेपछि फेयरवर्क अम्बुडस्म्यानले संघीय अदालतमा मुद्धा दर्ता गरिएको हो ।
गुनासोसँगै फेयरवर्क इन्स्पेक्टरले लामो समयसम्म दन्त चिकित्सा अभ्यास र अपरेटरमाथी अनुसन्धान गरेका थिए । अनुसन्धान पुरा गरेर अदालतमा पुगेको मुद्धाको ब्रिजबेनस्थित अष्ट्रेलियाको संघीय अदालतमा २०२३ जनवरी ३० मा सुनुवाइ सूचीकृत गरिएको छ । अदालतमा दायर मुद्धाकै आधारमा निर्देशनात्मक आदेश जारी भएमा कम्पनी र अपरेटरले ६ हजार ६ सय ६० अष्ट्रेलियन डलर जरिवाना तिर्नुपर्नेछ ।
फेयरवर्क अम्बुडस्म्यान सान्ड्रा पार्करले कार्यस्थल कानून उल्लंघनविरुद्धको नियमन र कारबाही तिब्र पारिएको भन्दै व्यवसाय सञ्चालकहरुलाई अदालत र जरिवानाको सामनाबाट बच्न सचेत गराउनुभएको छ । पीडित कर्मचारीले कानुनी हक प्राप्त गर्न फेयरवर्क अम्बुडस्म्यानको सम्पर्कमा आएर निशुल्क सेवा लिन समेत पार्करले आह्वान गर्नुभएको छ ।
ट्याग : #660, #Dentist faces court, #East Ballina Dental, #faces a penalty of up to $6, #Fair Work Inspector, #Fair Work Ombudsman, #fairwork.gov.au
लाइभ न्युज
तपाईको प्रतिक्रिया