ब्रिजबेनमा प्रहरीको गाडीमै एक बृद्धको मृत्यु, घटना बारे अनुसन्धान सुरु !

ब्रिजबेन । मंगलबार राति एक ६८ वर्षीय पुरुषको प्रहरी हिरासतमै मृत्यु भएको छ। अष्ट्रेलियास्थित ब्रिजबेन प्रहरीले लागुऔषध ओसारपसारको आरोपमा साँझ ७ बजे फोर्टिच्युड भ्यालीस्थित एक घरबाट पक्राउ गरेका व्यक्ती गाडीमै बेहोस भएका हुन ।

पक्राउ गरेर ब्रिस्बेन सिटी वाचहाउसमा आइपुग्दा उनी प्रहरी गाडीमा अचेत अवस्थामा भेटिएको प्रहरीले नै बताएको छ ।घटनाबारे जानकारी प्राप्त भएसँगै स्वास्थ्य अधिकारीहरूले प्राथमिक उपचार गरेको र प्यारामेडिकहरू समेत उपस्थित भएर लामो प्रयास गर्दा पनि बचाउन नसकिएको जनाइएको छ । प्रहरी कब्जामै जीवन गुमाएका व्यक्ति विदेशी नागरिक भएको आशंका गरिएपनि पहिचान खुलाइएको छैन ।

Ethical Standards Command ले प्रहरीले पक्राउ गरेर ल्याउदैगर्दा गाडीमै भएको मृत्युको अनुसन्धान गरिरहेको छ । मृत्युको संभावित कारण बारे परिक्षा सुरु गरिएको छ ।