रंगहरुको पर्व होलीको उत्सव, आज तराई मधेशमा यसरी मनाइदैछ होली (फोटो डायरी)

काठमाडौं । रंगहरूको पर्व होली काठमाडौं उपत्यकासहित देशका पहाडी भू–भागमा उत्साह र उमङ्गका साथ मनाइएको छ । आज देशका तराई मधेशमा विभिन्न कार्यक्रमसहित होली पर्व मनाइदैछ ।

काठमाडौं उपत्यकासहित देशका विभिन्न ठाउँमा विशेष कार्यक्रमको आयोजना गरेर सोमबार होली मनाइयो । काठमाडौंको वसन्तपुर दरवार स्क्वायर, बानेश्वर, ठमेल, ललितपुरको लगनखेल, जाउलाखेल भक्तपुर लगायतका विभिन्न स्थानसँगै पहाडी जिल्लामा होली विशेष कार्यक्रमको आयोजना गरियो ।

सडकदेखी कार्यालयसम्म र यस्ता कार्यक्रममा युवायुवतीहरुले आपसमा रंग, अबीर दलेर आत्मीयता साटासाट गरे । युवादेखि वृद्धसम्म होलीमा रमाए भने सेल्फीसँगै उत्सवको उत्साह साटे । कलाकारहरुले समेत होलीलाई उत्सवमय बनाउन भुमिका खेले

सोमबार जस्तै आज तराई मधेशका जनकपुर, विरगञ्ज लगायतका विभिन्न स्थानमा होली उत्सव मनाइदै छ । विहानैदेखी युवायुवती, बालबालिका, बृद्धबृद्धा रङसँग रमाउदै आत्मियता साटासाट गरिरहेका छन् ।

सोमबार काठमाडौं उपत्यकासँगै पहाडी क्षेत्रका विभिन्न कार्यक्रममा पुगेका कलाकार गायक, गायिकाहरु आज तराई मधेश झरेका छन् ।