पोर्चुगलमा पासपोर्टको एक महिने घुम्ती सेवा, समय बढाइदिन परराष्ट्र र दुतावाससँग माग !

पोर्चुगल । पासपोर्ट अभावमा समस्या भोगिरहेका पोर्चुगलका नेपालीहरुले केही दिन यता राहतको अनुभुति गर्न थालेका छन् । पासपोर्टको घुम्ति सेवा लिस्बेनमा आएसँगै नेपाली पासपोर्टको म्याद सकिएर, च्यातिएर र हराएर मारमा परेका पोर्चुगलस्थित ५ हजार बढी नेपालीले राहतको अनुभुति गर्न पाएका हुन् ।

पेरिसमा रहेको नेपाली राजदूतावासले करिब एक महिनाका लागि पासपोर्ट बनाउने घुम्तीसेवा पोर्चुगलको लिस्बोनमा पुर्याएको छ । एनआरएनए पोर्चुगलका अध्यक्ष रविन अधिकारीले म्याद भएकाहरुले समेत भीडभाड गर्ने र नाम लेखाउने भन्दा साच्चै पासपोर्ट अभावमा मार खेपिरहेकाहरु मात्रै सिभिरमा आएर सेवा लिन आग्रह गर्नुभएको छ । एनआरएन पोर्चुलका बरिष्ठ उपाध्यक्ष बिष्णु बस्नेतले धेरैसँग राहदानी नभएकाले यो समयअवधी छोटो हुने बताउनुभएको छ । परराष्ट्र र राजदूतावाससँगको समन्वयमा सबैको समस्या समाधानको पहल हुने उहाँले बताउनुभएको छ । पासपोर्ट सिभिर एक महिनासम्म चल्ने र राहदानी अभावमा मारमा रहेकाहरुलाई आवश्यक सेवा लिन आह्वान गरिएको छ ।

सेवाग्राहीसँगै पोर्चुगलमा विभिन्न सामाजिक कार्यक्रमा सक्रिय रहनुभएका धन शेर्पाले २ महिनासम्म सिभिर सञ्चारन गरेर समस्यामा परेका ५ हजार बढी नेपालीलाई राहदानी बनाइदिनु आग्रह गर्नुभएको छ । प्रान्सको पेरिसस्थित राजदूतावास र परराष्ट्र मन्त्रालय राहदानी समस्याबारे गम्भिर र जिम्मेवार बन्नुपर्ने देखिएको छ ।