क्रिकेटर सन्दीप चीन उडे, एसियाडमा नेपाली टिमले कस्तो गर्ला प्रदर्शन ?
काठमाडौं । नेपाली राष्ट्रिय क्रिकेट टिमका स्टार खेलाडी सन्दीप लामिछाने एसियाली खेलकुद (एसियाड) का लागि चीनतर्फ लागेका छन् । एसियाडका लागि नेपाली टोली चीन पुगेपनि आफूविरुद्धको नाबालिग बलात्कारको मुद्धाका कारण रोकिएका सन्दीप आज खेलमा सहभागि हुनेगरि चिने निस्किएका हुन ।
आइतबारदेखि सुरु हुने भनिएको मुद्दाको सुनुवाइ रोकिएपछि पनि आफू मानसिक रुपमा तयार नभएको भन्दै सन्दीप चीन जान मानेका थिएनन । क्रिकेट संघका अध्यक्ष चतुरबहादुर चन्दसँग भएको भेटमा सन्दीपले आफू नजाने बताएसँगै सोमबारका लागि काटिएको टिक रद्ध गर्नुपरेको थियो । सोमबार साँझ चन्दसँगै क्रिकेट संघका सचिव पारस खड्काले भेटघाट गरेर एसियाडमा क्रिकेट पदक ल्याउने सम्भावना भएको खेल भएकाले पनि सन्दीपले गएर खेल्नुपर्ने प्रस्ताव राखिएको थियो । यसपछि देशका लागि पदक ल्याउन आफ्नो भुमिका सहयोगी बन्ने जवाफ दिएर जान तयार भएका थिए ।
२९ पटक पेसी सरेर ११ महिनादेखी लम्बिएको मुद्धाका कारण यतिबेला क्रिकेटर सन्दीपले आफूलाई गाह्रो भइरहेको महसुश गरिरहेका छन् । फैसला जे आएपनि छिटो आए सहज हुने पक्षमा सन्दीप छन् । एसियाली खेलकुदको क्रिकेटमा नेपालले बुधबार मंगोलियासँग खेल्दै छ ।
लाइभ न्युज
तपाईको प्रतिक्रिया