सहकर्मी माथि यौन दुर्व्यवहार गरेको आरोप लागेका एसएसपी पालले दिए राजिनामा !

काठमाडौं । सहकर्मी महिला हवल्दारमाथि यौन दुर्व्यवहार गरेको आरोप लागेका प्रहरी वरिष्ठ उपरीक्षक (एसएसपी) योगबहादुर पालले राजीनामा दिनुभएको छ । शनिबार राजीनामा बुझाएको भएपनि आइतबार गृहमन्त्रालउमा पठाएर राजीनामा स्विकृत भएको प्रहरी केन्द्रीय प्रवक्ता कुबेर कडायतले नेपालट्युबलाई जानकारि दिनुभएको हो ।

पालमाथी सहकर्मी महिला हवल्दारलाई यौन दुर्व्यवहार गरेको उजुरी परेपछि प्रहरी प्रधान कार्यालयको आन्तरिक छानबिन समिति बनाएर कारबाही प्रक्रिया अघि बढाएको थियो । समितिले एसएसपी पाललाई दोषी ठहर गर्दै बर्खास्त गर्न सिफारिस गरेपछि राजीनामा मागिएको थियो । सुदूरपश्चिम प्रदेश प्रहरी कार्यालयमा रहँदा बिदा माग्न गएकी महिला हवल्दारलाई यौन दुर्व्यवहार गरेको आरोप पालमाथी लागेको थियो । घटना बाहिर आएलगतै गृह मन्त्रालयले निलम्बन गरेर छानविन अघि बढाएको थियो ।