संयुक्त राष्ट्रसंघका महासचिव एन्टोनियो गुटरेसको नेपाल भ्रमण स्थगित, कारण यस्तो !

काठमाडौं । संयुक्त राष्ट्रसंघका महासचिव एन्टोनियो गुटरेसको नेपाल भ्रमण स्थगित भएको छ । इजरायल र प्यालेस्टाइनबीच शुरु भएको तनावका कारण गुटरेसको नेपाल भ्रमण स्थगित भएको नेपालस्थित परराष्ट्र मन्त्रालयले जानकारि दिएको हो ।

यसअघि संयुक्त राष्ट्रसंघका महासचिव गुटरेसले असोज २६ गतेदेखि २९ गतेसम्म नेपाल भ्रमण गर्ने तय भएको थियो । गुटरेसले असोज २७ गते संघीय संसदको संयुक्त बैठकलाई सम्बोधन गर्ने कार्यक्रमसमेत तय गरिएको थियो । तर इजरायल घटनापछि संयुक्त राष्ट्रसंघका महासचिव गुटरेसकै पहलमा नेपाल भ्रमण स्थगित भएको बताइएको छ ।

केही समयमै इजरायल घटनापछि स्थगित गुटरेसको नेपाल भ्रमणको तालिका निर्धारण हुने परराष्ट्र मन्त्रालयले जनाएको छ । इजरायल र प्यालेस्टाइन युद्ध प्रभावित क्षेत्रमा भएगरेका गतिबिधि माथी समेत संयुक्त राष्ट्रसंघले विश्लेषण गरिरहेको छ ।