त्रिकोणात्मक टी–२० अन्तर्राष्ट्रिय क्रिकेट शृंखलामा नेपालको दोश्रो जित, हङकङ ६ विकेटले पराजित

काठमाडौं । त्रिकोणात्मक टी–२० अन्तर्राष्ट्रिय क्रिकेट शृंखलामा घरेलु टोली नेपालले लगातार दोस्रो जित हात पारेको छ । बिहीबार भएको खेलमा नेपालले हङकङलाई ६ विकेटले पराजित गरेको हो ।

टस जितेर बलिङ रोजेको नेपालले हङकङलाई केबल ९४ रनमा सीमित गरेको थियो । नेपालले १३.५ ओभरमा लक्ष्य पूरा गर्यो । नेपालका आसिफ शेखले सर्वाधिक ४२ रन बनाउदा कप्तान रोहित पौडेलले २५ र गुल्सन झाले १४ रन जोडे । कुशल भुर्तेलले ८, कुशल मल्लले १ र सन्दीप जोराले ३ रन जोडेर आउट भए । पहिलो विकेटका लागि २८ रनको साझेदारी गरेको नेपालले चौथो विकेटका लागि ३० र पाँचौं विकेटका लागि २२ रनको साझेदारी गरेको थियो ।

पहिले ब्याटिङ गरेको हङकङले १९.३ ओभरमा सबै विकेट गुमाएर ९४ रन जोडेको थियो । नेपालका करन केसीले ४ तथा सोमपाल कामी र अविनाश बोहराले २÷२ विकेट लिए । कुशल मल्ल र मौसम ढकालले एक एक विकेट हात पारे । नेपालले पहिलो खेलमा बुधबार यूएईलाई ७ विकेटले हराएको थियो । नेपालले फेरि दुवै टोलीसँग एक–एक खेल खेल्नेछ । शीर्ष दुई टोली बीच उपाधि भिडन्त हुनेछ ।