नेपालका लागि अष्ट्रेलियन राजदूत भोल्कद्धारा बाग्लुङ कालिका भगवतीको दर्शन, दिईन दशैंको शुभकामना !

काठमाडौं । नेपालका लागि अष्ट्रेलियन राजदूत फेलिसिटी भोल्कले बाग्लुङस्थित कालिका भगवतीको दर्शन गरेर दशैंको शुभकामना दिनुभएको छ । कालिका भगवतीको पूजाआजा गरेर बाहिरिदैगर्दा भिडियो शन्देष जारी गर्दै राजदूत भोल्कले दशैंको शुभकामना दिनुभएको हो ।

राजदूत भोल्कले दशैं लगायतका चाडपर्व मान्ने सबैप्रति दशैंको शुभकामना दिनुभएको छ । उहाँले नेपाली भाषामा समेत दशैंको शुभकमना, नमस्ते भन्दै नेपाली समूदायको पर्वको महत्वमाथी उत्साह थप्नुभएको छ । दशैंमा नवदुर्गाको पूजाआजा गर्ने धार्मिक परम्परालाई अनुशरण गर्दै बाग्लुङ पुग्नुभएकी राजदूत भोल्कले नेपाल र नेपाली परम्पराको हिस्सेदार बनेको भन्दै संस्कृतिविद्हरुले प्रशंसा गरेका छन् ।