भूकम्पमा एकजुट नेपाली, एनआरएनएको १० लाख सहयोग,अरु कस्को कति?

काठमाडौं । जाजरकोटमा गएको भूकम्पले जाजरकोटसँगै रुकुम पश्चिममा ठूलो जनधनको क्षति भएसँगै देश विदेशमा रहेका नेपाली एकजुट भएर मानवीय सहायतामा जुटेका छन । नजिकै रहेकाहरु, सुरक्षा निकायसँग सँगै सरकारी संयन्त्र उद्धार र राहतमा जुट्दा प्रदेश सरकार, राजनीति दल र गैह्र आवासीय नेपाली संघ (एनआरएनए) समेत यो विपत्तिमा एक ठाउमा उभिएर सहयोगी बनेको छ ।

गैह्र आवासीय नेपाली संघ (एनआरएनए) का अध्यक्ष डा. बद्री केसीले तत्काल १० लाख सहयोगको घोषणा गर्नुभएको छ । अन्य आवश्यक सहयोगका लागि अष्ट्रेलियासहित विश्वभरका नेपालीहरु तम्तयार रहनुभएको छ ।

आइतबार हुने नेपाल र ओमानबिचको फाईनल खेलको टिकट बिक्रीबाट उठेको ५० प्रतिशत रकम भुकम्प पिडितलाई दिने नेपाल क्रिकेट संघ क्यानले घोषणा गरेको छ ।

यस्तै, बागमती प्रदेश सरकारले ले १ करोड ५० लाख सहायता दिने निर्णय गरेको छ । सत्तारूढ दल नेपाली कांग्रेसले जाजरकोट भूकम्प पीडितलाई ५० लाख दिने निर्णय गरेको छ । लुम्बिनी प्रदेशले भूकम्प प्रभावित क्षेत्रमा घाइतेको उपचारका लागि २५ चिकित्सक पठाएको छ ।