क्यानको एक्सन, सन्दीप लामिछाने अन्तर्राष्ट्रिय र घरेलु क्रिकेट गतिविधिबाट निलम्बन !
काठमाडौं । नेपाल क्रिकेट संघ (क्यान) ले सन्दीप लामिछानेलाई अन्तर्राष्ट्रिय र घरेलु क्रिकेट गतिविधिबाट निलम्बनको निर्णय लिएको छ । अध्यक्ष चतुरबहादुर चन्दले विज्ञप्ति जारी गर्दै अदालतले दोषी ठहर्याएका कारण निलम्बन गरिएको जानकारि दिएका हुन ।
जिल्ला अदालत काठमाडौले सन्दीपलाई पुस १३ गते बलात्कार मुद्दामा दोषी ठहर गरेको थियो । बुधबार ८ वर्ष कैदसहित ५ लाख जरिवाना र क्षतिपूर्तिको आदेश सुनाएको थियो । यता, काठमाडौं जिल्ला अदालतले बलात्कार आरोपमा दोषी ठहर गरेका क्रिकेटर सन्दीप लामिछाने उच्च अदालत जाने भएका छन् । गत वर्षको भदौ २१ गते लामिछानेविरुद्ध जबर्जस्ती करणी गरेको भन्दै परिवर्तिन नाम (गौशाला २६) उजुरी बोकेर प्रहरी वृत्त गौशला पुगेकी थिइन ।
सजाय निर्धारण लगत्तै सन्दीपले क्यानलाई पत्राचार गरेर माथिल्लो अदालतबाट सफाइ नपाएसम्म क्रिकेटबाट अलग रहने स्वघोषणा गरेका थिए ।
क्यानको निलम्बनको निर्णय :
लाइभ न्युज
तपाईको प्रतिक्रिया