Techie IT
Saturday October 31, 2020  |   शनिबार, कार्तिक १५, २०७७
गृहपृष्ठ » News » अष्ट्रेलियामा सम्पत्ति शुद्धीकरण आरोपमा पक्राउ नेपालीमुलका युवा धरौटीमा रिहा ।

अष्ट्रेलियामा सम्पत्ति शुद्धीकरण आरोपमा पक्राउ नेपालीमुलका युवा धरौटीमा रिहा ।


465 Views

सिड्नी

सम्पत्ति शुद्धीकरण (मनी लाउन्ड्रिङ) गरेको आरोपमा अष्ट्रेलियामा पक्राउ नेपालीमुलका युवक धरौटीमा रिहा भएका छन् ।
मंगलबार न्यु साउथ वेल्सको उच्च अदालतले विपिन थापालाई धरौटीमा रिहा गर्न आदेश दिएको हो ।
अदालतमा उपस्थित भएका सिड्नीका युवा अभियन्ता तथा विपिनका साथी कोमलराज पाठकले जनाएअनुसार टेलि कन्फ्रेन्सबाट बयान लिएपछि उनलाई धरौटीमा रिहा गरिएको हो ।

गत जुलाईमा पक्राउ परेका थापा न्यु साउथ वेल्सकै पेनरिथ नजिकै जेलमा छन् ।

धराैटीमा रिहा भएपछि विपिनले बाहिर बसेरै मुद्दा लड्न पाउने भएका छन् । उनकाे मुद्दाकाे अन्तिम  फैसला भने हुन बाँकी छ । 

गत जुलाईमा न्यु साउथ वेल्स प्रहरीले १०० मिलियन अष्ट्रेलियन डलर अर्थात झण्डै ८ अर्ब नेपाली रुपैया शुद्धीकरणको आरोपमा विपिन थापालाई पक्राउ गरेको थियो ।
एक सेक्युरिटी कम्पनीमा काम गर्ने विपिन कामदार मात्र भएकाले अदालत उनको विषयमा केही लचिलो देखिएको हो ।
सम्पत्ति शुद्धीकरणको आरोपमा कम्पनीका संचालक पक्राउ परेपछि विपिन पनि तानिएका थिए ।

नेपालीमुलका युवक सम्पति शुद्धिकरण जस्तो गम्भीर अपराधमा पक्राउ परेपछि यहाँको नेपाली समुदायको शिर झुकेको थियो ।
तर, अदालतको आदेशले पक्राउ पर्ने वित्तिकै जो कोही दोषी भई नहाल्ने भन्ने पुष्टी गरेको पाठकले बताए ।

क्याटेगोरी : News



प्रतिक्रिया दिनुहोस

-Advertisement-