महावीर पुनलाई सिड्नीका नेपाली विद्यार्थीको साथ

सिड्नी

सिड्नीमा पढिरहेका नेपाली विद्यार्थीले महावीर पुनको राष्ट्रिय आविष्कार केन्द्रलाई सहयोग गरेका छन्।
विनर सर्कल नामक समुहमा जोडिएका झण्डै ६८ जनाले एक लाख रुपैया संकलन गरि केन्द्रलाई पठाएको हो । सहयोग रकम दिनेमा केही गैर विद्यार्थी पनि छन् ।
‘गो फन्ड मि’ नामक क्राउड फन्डिङ वेवसाईटको प्रयोग गरेर झण्डै १२ सय ६० डलर संकलन गरिएको सर्कलका रोशन खतिवडाले जानकारी दिए ।
नयाँ वर्षको दिन सिड्नीको एक पार्कमा बारबिक्यु कार्यक्रम गरेर रकम नेपाल पठाउने घोषणा गरिएको हो ।
‘राष्ट्रिय आविष्कार केन्द्रका लागि बैंकले ऋणसमेत नदिएको समाचार आएपछि हामीले सहयोग गर्ने निधो गरेका हौं’ -खतिवडाले भने-‘यो रकम सानो होला, तर यसले विदेशमा पढिरहदा पनि देशको लागि सहयोग गर्न सकिन्छ भन्ने सन्देश दिएको छ ।’
भविष्यमा थप सहयोग गर्दै जाने खतिवडाको भनाई छ ।
हालै संस्थागत भएको विनर सर्कल मिडियाले सिड्नीमा पढ्ने नेपाली विद्यार्थीबिच हातेमालोको प्रयास गरिरहेको छ ।