Techie IT
Monday July 26, 2021  |   सोमवार, साउन ११, २०७८
गृहपृष्ठ » News » अष्ट्रेलियाका डढेलाे प्रभावितका लागि सन्दिप लामिछानेकाे टिसर्ट लिलाममा

अष्ट्रेलियाका डढेलाे प्रभावितका लागि सन्दिप लामिछानेकाे टिसर्ट लिलाममा


288 Views

मेलबर्न
मेलबर्न स्टार्सले अष्ट्रेलियाका आगलागि प्रभावितलाई सहयोग गर्न नेपाली बलर सन्दिप लामिछानेको क्रिकेट टिसर्ट लिलामीमा राखेको छ ।

अष्ट्रेलियामा जारी बिग व्यास लिगका क्रममा गत जनवरी २ मा मेलबर्न स्टार्सको टिमले सिड्नीमा सिड्नी थन्डर विरुद्ध खेलेको थियो । स्टार्सका अनुसार सोहि दिन मैदानमा उत्रिएका खेलाडिले लगाएको टिसर्ट च्यारिटि अक्सनमा राखिएको हो । टिसर्टमा हरेक खेलाडीले आफ्नो हस्ताक्षर गर्नेछन् । त्यस्तै टिमका सबै सदस्यले हस्ताक्षर गरेको टिसर्टपनि अक्सनमा राख्ने मेलबर्न स्टार्सले उल्लेख गरेको छ ।

यो समाचार तयार पार्दा सम्म सन्दिपको टिसर्टमा २२ जनाले खरिद गर्न इच्छा देखाएका छन् । बोलकबोलका क्रममा टिसर्टको मुल्य ७ सय १० डलर पुगेको छ भने जनवरी ११ सम्ममा सबै भन्दा बढी बोलकबोल गर्नेले उनको टिसर्ट खरिद गर्नेछन् ।
त्यस्तै, सन्दिप लामिछानेले जनवरी ८ मा सिड्नी थन्डरविरुद्ध मैदानमा उत्रिने क्रममा आफ्नो जुत्ताको एकातिर ‘भिजिट नेपाल २०२०’ लेखेर नेपालको प्रचार गरेका छन् भने ‘बुसफायर हिरोज’ अर्कोतिर लेखेर अष्ट्रेलियामा जारी आगलागि पिडित प्रति सहानुभुति प्रकट गरेका छन् ।

क्याटेगोरी : News



प्रतिक्रिया दिनुहोस

-Advertisement-