Techie IT
Monday November 23, 2020  |   सोमवार, मंसिर ८, २०७७
गृहपृष्ठ » Nepal » नेपालमा कोरोना संक्रमित बढेसँगै बैशाख १५ गतेसम्म लम्ब्याइयो लक डाउन, भीडभाड रोकेर साथ दिन अपिल 

नेपालमा कोरोना संक्रमित बढेसँगै बैशाख १५ गतेसम्म लम्ब्याइयो लक डाउन, भीडभाड रोकेर साथ दिन अपिल 


230 Views

पुण्यप्रसाद  धमला, काठमाडौं । नेपालमा आजसम्मका लागि तोकिएको लक डाउन १२ दिन थपेर बैशाख १५ गतेसम्म पुर्याइएको छ । मन्त्रिपरिषद बैठकले १२ दिन समयसिमा थप्ने निर्णय गर्दै बैशाख १५ गतेसम्म लकडाउन लम्ब्याउने निर्णय गरेको हो ।

कोरोना संक्रमित बढिरहेको समयमा भाइरसको संक्रमण फैलिन नदिनका लागि लकडाउन बढाउनुपरेको भन्दै सरकारले भीडभाड नगर्न, अत्यावश्यक काम भएमात्रै सुरक्षित भएर घर बाहिर निस्कन सबै देशवासीमा अपिल गरेको छ। चैत ११ गतेबाट सुरु भएको लक डाउन पहिलो पटक १८ गतेसम्म तोकिएको थियो । दोश्रो पटक ७ दिन थपेर २५ गतेसम्म र तेश्रो पटक ८ दिन थपेर बैशाख तीन गते पुर्याइएको लक डाउमा पुनः १२ दिन थपेर बैशाख १५ सम्म पुर्याइएको छ ।

र्यापिड किटको परिक्षणबाट संक्रमित बढेसँगै कोरोनाको जोखिम कम गर्न लक डाउन थप्नुको विकल्प नभएको सरकारका प्रवक्ता तथा सूचना तथा सञ्चारमन्त्री डा.युवराज खतिवडाले जानकारी दिनुभयो । यस्तै सरकारले काठमाडौँ उपत्यका तथा बाहिरी जिल्लामा कोरोना भाइरसका संक्रमित बढ्न थालेपछि छ टी को अवधारणा अनुसार रोकथाम तथा उपाचारको काम अघि बढाएको छ । सरकारले ट्राभल रेष्टिक्सन, टेष्टिङ, ट्रेसिङ, ट्याकिङ, ट्रिटमेन्ट र टुगेदर को फरमुला अनुसार कोरोना नियन्त्रण र उपचारको कामलाई अघि बढाएको छ । लक डाउनसँगै देशभरको यातायात सेवा ठप्प छ भने सबै अन्तर्राष्ट्रिय उडान वैशाख १८ गतेसम्मका लागि बन्द गरिएको छ ।

लक डाउनका कारण समस्यामा परेका विपन्न र ज्याला मजदुरीमा गुजारा धान्नुपर्नेलाई स्थानीय सरकार मार्फत राहत दिइदै आइएपनि राहतमै राजनीति भएको आवश्यकता हुनेले भन्दा जनप्रतिनिधिका चिनजान र निकटहरुले राहत पाएको भन्दै बिरोध भैरहेको छ । मंगलबार मात्रै छिमेकी राष्ट्र भारतले १९ दिन लक डाउन बढाउने निर्णय गरेको थियोे ।

क्याटेगोरी : Nepal, News
ट्याग : ##Nepal#Corona Update Nepal, #AIBT, #Australia


प्रतिक्रिया दिनुहोस

-Advertisement-