Techie IT
Thursday July 29, 2021  |   बिहिबार, साउन १४, २०७८
गृहपृष्ठ » Breaking News » जडिबुटीको समिश्रणबाट नेपालमै कोरोनाको औषधी बनाइएको दाबी, उपयोगिताको अनुसन्धानमा समस्या

जडिबुटीको समिश्रणबाट नेपालमै कोरोनाको औषधी बनाइएको दाबी, उपयोगिताको अनुसन्धानमा समस्या

नेपाली वैज्ञानिक


447 Views

पुण्यप्रसाद धमला, काठमाडौं । नेपालस्थित एक प्राध्यापकले कोरोना निर्मुल पार्ने औषधी तयार गरेको दाबी गरेका छन् ।

कोरोनाको महामारी रोक्न बिश्व जगत असफल भैरहेको समयमा प्राध्यापक डा। ललितकुमार दासले विभिन्न जडिबुटीको सम्मिश्रणबाट औषधी निर्माण गरेको दाबी गरेका हुन् । डा। दासले करिब २५ दिन लगाएर आफ्नो प्रयोगशालामा केही एन्टीअक्सिडेन्ट एक्टिभिटी र इन्जीमेटिक एक्सन भएको प्लान्टको शोध मार्फत औषधी तयार गरेको बताएका छन् ।

कहाँ पुग्यो औषधी बारेको खोज अनुसन्धान ?

कोरोना बिरुद्धको औषधी तयार पारेको दाबी गरिएपनि यसको उपयोगिता र संक्रमितमा पार्ने प्रभाव बारे अनुसन्धान भने हुन सकेको छैन । वन विज्ञान अध्ययन संस्थानको प्रयोगशालामा यसको थप परीक्षणका लागि चाहिने सुविधा नभएको भन्दै डा। दासले सरकारसँग थप सहयोगको आव्हान गरेका छन् । यसअघि यीनै प्राडाले जडीबुटीमा आधारित हर्वल स्यानिटाइजर बनाएका थिए । अध्ययन संस्थानका प्रमुख विजय यादवलगायतका वैज्ञानिक र रसायनविज्ञहरू ले प्रयोगशालामा पुगेर जानकारी लिएपनि औषधीको उपयोगिता बारे थप अनुसन्धान कसरी गर्ने भन्ने एकिन भएको छैन ।

को हुन त कोरोना निकोपार्ने औषधी बनाएको दाबी गर्ने डा.दास ?

भारतको बनारस हिन्दु विश्वविद्यालयबाट फाइटो केमेस्ट्रीमा पिएचडी उपाधि हासिल गरेका डा। दास त्रिभूवन विश्वविद्यालय अन्तर्गतको हेटौँडास्थित वनविज्ञान अध्ययन संस्थानका प्राध्यापक हुन । विगत २२ वर्षदेखि अनुसन्धान र अध्यापनमा संलग्न रहेका डा। दास बागमती प्रदेशको केमिकल सोसाइटीमा उपाध्यक्ष समेत छन् ।

चीन, जर्मनी, संयुक्त राज्य अमेरिका, संयुक्त अधिराज्य, फ्रान्स,अस्ट्रेलिया,क्यानाडा, भारत लगायतका दर्जनौँ मुलुक कोरोनाको उपचार पद्धति र औषधीको खोजीमा जुटिरहेका बेला नेपालमा जडिबुटी वा हर्वल पद्धतीबाट कोरोना बिरुद्धको औषधीको खोजी हुनु सकारात्मक कुरा हो ।

हुनत, कोरोना भाइरसको औषधी निर्माण गर्न विभिन्न निर्देशिका अनुरुप कडा मेहनत गरेको डा। दासको दाबी छ । यद्यपी उनको दाबीले पुर्णता पाउन परिक्षणका विभिन्न चरण पार गर्नुपर्ने हुन्छ ।

क्याटेगोरी : Breaking News, Breaking News, Nepal, News



प्रतिक्रिया दिनुहोस

-Advertisement-