Techie IT
Tuesday August 3, 2021  |   मङ्लबार, साउन १९, २०७८
गृहपृष्ठ » Breaking News » सर्वसम्मतिले पारित भयो संविधान संशोधन, अब निसान छापमा नयाँ नक्सा

सर्वसम्मतिले पारित भयो संविधान संशोधन, अब निसान छापमा नयाँ नक्सा


525 Views

काठमाडौं । कालापानी, लिपुलेक र लिम्पियाधुरा समेटिएको नयाँ नक्सा निसान छपभित्र राख्न भन्दै संविधानको अनुसूची ३ संशोधन गर्न ल्याइएको संविधान संशोधन विधेयक प्रतिनिधिसभाबाट सर्वसम्मतिले पारित भएको छ । प्रतिनिधिसभाको शनिबारको बैठकबाट संविधान संसोधन दोश्रो विधेयक दुई तिहाई भन्दा बढी मतले पारित भएको हो ।

भारतीय अतिक्रमणमा परेका दार्चुलाका कालापानी, लिपुलेक र लिम्पियाधुरालाई नेपालले जेठ ७ गते नक्सा जारी गरेर आफ्नो राजनीतिक र प्रशासनिक नक्सामा अध्यावधिक गराएको थियो । संविधानको अनुसूची ३ मा रहेको निसान छापभित्र नयाँ नक्सा राख्नका लागि जेठ ९ गते संघीय संसद प्रतिनिधिसभामा विधेयक दर्ता गरिएको थियो । दर्ताको १० दिनपछि अर्थात जेठ १९ गते प्रतिनिधिसभामा प्रस्तुत भएको विधेयक पारित भएसँगै संविधानको अंग बनेको छ ।

भारतले लिपुलेक भएर मानसरोवर जाने सडक उद्घाटन गरेपछि राजनीतिक र प्रशासनिक नक्सा जारी गर्दै अतिक्रमित भूमि फिर्ता ल्याउने दाबी गरेको नेपालले प्रमाण संकलनका लागि विज्ञ समिति समेत गठन गरेको छ । प्रतिनिधि सभाबाट पारित भएको विधेयक राष्ट्रिय सभाको छलफलबाट पारित भएसँगै सरकारी कामकाजमा प्रयोग हुने निसान छापमा नयाँ नक्साले स्थान पाउनेछ । संविधान संशोधनमा समर्थन गरेका दल र सांसदहरुले कुटनीतिक माध्यमबाट भूमि फिर्ताको पहल थाल्न सरकारलाई सुझाब दिएका छन् ।

क्याटेगोरी : Breaking News, Nepal, News



प्रतिक्रिया दिनुहोस

-Advertisement-