Techie IT
Monday January 25, 2021  |   सोमवार, माघ १२, २०७७
गृहपृष्ठ » Australia » नेपाललाई दु:ख पर्दा कसरी अष्ट्रेलिया फर्कन सक्छु – कलानी गकोन

नेपाललाई दु:ख पर्दा कसरी अष्ट्रेलिया फर्कन सक्छु – कलानी गकोन


994 Views

सरल गुरुङ/ब्रिजवेन

कोरोनाको महामारीमा समेत नेपाललाई माया गरेर छोड्न नमान्ने थोरै विदेशी मध्ये अष्ट्रेलियाली युवा कलानी गकोन पनि एक हुन् । कोरोनाका कारण लकडाउन भएपछि नेपालमै अड्किएका आफ्ना नागरिकलाई अष्ट्रेलियाले तीन पटकसम्म विमान चार्टड गरेर स्वदेश फर्काइसकेको छ । नेपालमा कोरोना जोखिम बढेको भन्दै अष्ट्रेलियाले आफ्ना नागरिकलाई स्वदेश फिर्ता ल्याएको हो । तर, आफ्नो ज्यानको प्रवाह नगरी २४ वर्षीय कलानी लक डाउनको वृत्तचित्र बनाउने र कमजोर आर्थिक अवस्था भएका नेपालीलाई खान खुवाउन व्यस्त छन् ।

लक डाउनकै बिच गत शुक्रबार काठमाडौमा युवाहरुले भ्रष्टाचारविरुद्ध आन्दोलन गरे । त्यहि आन्दोलनको भिडियो खिच्न पुगेका कलानीलाई प्रहरीले पक्राउ गर्यो । विदेशी भएर आन्दोलनमा सहभागी भएको भन्दै कलानी सहित अन्य सात जना विदेशी पनि समातिएका हुन् । तीन दिन प्रहरी हिरासतमा बसेर कलानी सोमबारमात्रै १० हजार धरौटी तिरेर रिहा भएका छन् । प्रहरीले आन्दोलनमा सहभागी भएको आरोप लगाएपनि कलानीले भने आफु वृत्तचित्रको भिडियो खिच्न गएको बताउदै आएका छन् । पक्राउपछि फेसबुकमा स्टाटस लेख्दै कलानीले नेपाल प्रहरीले निकै राम्रो व्यवहार गरेको र हिरासतमा कथा साटासाट गर्दै रात बिताएको बताएका छन् । त्यस्तै आफ्नो रिहाईका लागि साथ दिने सबैलाई धन्यवाद समेत दिएका छन् ।

रिहाई भएपछि नेपालबाट निकाला हुने हो कि भन्ने चिन्तामा रहेका कलानी नेपालट्युबको टेलिफोन सम्पर्कमा आइपुग्नु भएको छ  । अष्ट्रेलिया सरकारले तीन पटकसम्म आफ्ना नागरिकलाई स्वदेश फर्काउदा पनि तपाई किन नआउनु भएको ? भन्ने नेपालट्युबको प्रश्नमा कलानीले भन्नुभयो -‘नेपाल मेरो दोस्रो घर हो, यसले मलाई धेरै कुरा दिएको छ, अब तपाई नै भन्नुस् नेपाललाई अप्ठ्यारो पर्दा म कसरी भागेर अष्ट्रेलिया फर्कन सक्छु ।’

नेपाली बोल्न समेत सिकिसकेका कलानीको नेपाल प्रेम उनको हरेक शब्दमा झल्किन्थ्यो । नेपालमा ५ वर्षदेखि समाजसेवा र भिडियो निमार्णमा सक्रिय कलानीको नेपाल यात्रा बढो रोचक छ । उनी दक्षिण एसियाको भ्रमणमा निस्केका बेला बिना कुनै योजना बस चढेर नेपाल पुगेका थिए ।

सन् २०१५ मा भूकम्पपछि नेपाल पुगेका कलानीको मन नेपालका डाडापाखामै रम्न थाल्यो । न्यु साउथ वेल्सको ब्लु माउण्टेन क्षेत्रमा हुर्के बढेका कलानीलाई नेपालका अग्ला हिमालसंग प्रेम बस्न धेरै समय लागेन । त्यसैले बाल्यकालको भिडियो बनाउने सौखलाई नेपालमै निरन्तरता दिन थाले । नेपालका दृश्यहरुमात्रै कैद गरेनन् बरु मान्छेका कथाहरु पनि क्यामेराबाटै बुन्न थाले । भिडियो, वृत्तचित्र अनि समाजसेवा गर्दागर्दै कलानीले नेपालमा ५ वर्ष बिताइसकेका छन् ।
उनले निर्देशन गरेको जर्नी टु द सेन्टर अफ द हार्ट नामक वृत्तचित्रले हालै काठमाडौ इन्टरनेश्नल फिल्म फेष्टिवल (किम्फमा ) अवार्ड समेत जितेको छ ।

कलानी र टिमले लकडाउनका बिच काठमाडौमा खाना बाडेको भिडियो यस्तो छ

Day 67 of lockdown in Nepal We are still distributing cooked meals everyday. All the local politicians, community representatives, partner NGOs, and local big shots who used to help us manage the situation on the streets and control the lines of hungry people – no longer come out. Some out of fear of corona, some for their own personal reasons. Now, after everything, after having lost support from all the different groups who used to help us on the streets… on day 67, children, whose parents are in line themselves, work with us to help control the crowd and it’s one of the most beautiful things I’ve seen.

Posted by Kalani Gacon on Friday, May 29, 2020

Photo- Kalani Gacon facebook

क्याटेगोरी : Australia, Breaking News, Breaking News, Nepal, News



प्रतिक्रिया दिनुहोस

-Advertisement-